Alketa Vejsiu me shkrim prekës: Nëse ende merr një telefonatë nga nëna ose babai duhet të ndjehesh me fat

Moderatorja e njohur, Alketa Vejsiu, e nisi ditën e premte me një postim prekës në rrjetin social Instagram.

Ajo publikoi një fotografi të ekranit të një telefoni, nën thirrjet e nënës dhe të babait.

Në mbishkrimin e kësaj fotografie, Alketa shkroi se duhet të ndjehen me fat të gjithë ata që sot kanë mundësinë të marrin një telefonatë të tillë.

Ky mendim i saj vjen siç thotë ajo pas një nate të stresuar me shumë pikëpyetje në kokë, lidhur me situatën e rënduar globale të krijuar për shkak të pandemisë COVID-19.

“Sot nese merr ende nje telefonate nga nena ose babai duhet te ndihesh me shume fat!
Mendo per te gjithe ata qe i kane humbur!
Per te gjjthe prinderit e embel e te dashur, qe na sjellin ne jete, qe bejne mijera sakrifica per te na rritur dhe edukuar, qe me aq shume durim duan nipat dhe mbesat; per te gjithe ata qe ikin sot nga kjo bote “vetem” pa pasur doren e te shtrenjteve afer ne momentet fundit, sepse Corona urdheron keshtu! Thjesht nje mendim mengjesi pas nje nate te shqetesuar me shume pikepyetje per te panjohuren qe kemi perpara qe uroj te zgjidhet sa me pare per te gjithe”, ka shkruar Alketa Vejsiu në Instagram.

https://www.instagram.com/p/B-O5c4qH-mJ/

Si shumë kolegë të saj, edhe moderatorja e njohur është detyruar t’i ndërpresë aktivitetet e saj televizive shkaku i pandemisë. /Telegrafi/