Alibeaj akuzon mazhorancën dhe një pjesë të opozitës për pazar në kurriz të reformës zgjedhore

Nënkryetari i Partisë Demokratike, Enkelejd Alibeaj, është shprehur se Parlamenti i Shqipërisë duhet të nxjerrë ditën e sotme në rendin e ditës produktin e Komisionit të Reformës Zgjedhore.

Komentet Alibeaj i bëri gjatë fjalës së tij në Kuvend, ku tha se sot, si dita e fundit e Komisionit të Reformës Zgjedhore, Parlamenti nuk duhet të heshtë.

Ai tha gjithashtu se PD ka propozuar në Komision lista të hapura, Shqipëria një zonë elektorale, votim dhe numërim elektronik dhe votën e diasporës.

Alibeaj në përfundim tha se heshtja nga palët (PS dhe Rithemelimi) për këtë çështje, është Pazar.

“Duhet të jetë një Parlament me normalitet real. Anormaliteti vijon teksa Parlamenti sot hesht kur është dita e fundit e Komisionit të Reformës Zgjedhore. Ky Parlament duhet të nxjerrë sot në rendin e ditës produktin e Komisionit, që është projektligji i propozuar nga PD disa muaj më parë.

Ne kemi propozuar listat e hapura, Shqipëria një zonë zgjedhore, votim dhe numërim elektronik, votën e diasporës, etj. Sot të marim pak kurajo dhe të votojmë, edhe kundër.

Të pranojmë që nuk duam listat e hapura, që kanë frikë nga vota e diasporës. Të pranojnë që do i dhurojnë Ramës 6 mandate në tavolinë dhe ta lënë të fitojë edhe 2025.

Heshtja është Pazar në kurriz të shqiptarëve, për të mbrojtur listat e mbyllura. Kanë një frikë, frikën nga drejtësia. Deputetë që kanë frikë ndaj qytetarëve. Njofto që është depozituar projektligji nga PD dhe fute në procedurë, e lëria njerëzve pastaj të gjykojnë”, tha Alibeaj. /Telegrafi/