Kelly Brook ka ndarë me fansat një moment nga pushimet e saj në Toskanë, duke publikuar në Instagram një video ku shfaqet me bikini shumëngjyrëshe gjatë një xhiroje me biçikletë.
Modelja 45-vjeçare u filmua nga bashkëshorti i saj italian, Jeremy Parisi, ndërsa përshëndeste ndjekësit e saj dhe tregonte figurën e saj të tonifikuar.
Postimi u shoqërua me komente entuziaste nga fansat, të cilët e komplimentuan për pamjen dhe lumturinë pranë partnerit të saj, shkruan DailyMail.
Kelly, e cila është ambasadore e SlimFast, ka folur shpesh për stilin e saj të jetesës së shëndetshme dhe përgatitjen për Maratonën e Londrës, ku humbi disa kilogramë.
Ndërkohë, këtë javë ajo befasoi publikun në emisionin Loose Women, ku pranoi se në të kaluarën ishte një “tradhtare serike”.
Modelja tregoi se dikur kishte hyrë në marrëdhënie që nuk ishin vërtet monogame dhe se shpesh binte në një “rutinë të tmerrshme” tradhtish reciproke.
Brook theksoi se jeta e saj ndryshoi krejtësisht kur u njoh me Jeremy-n, me të cilin është martuar në vitin 2022 pas dhjetë vitesh lidhje. Ajo tha se martesa i ka dhënë stabilitet dhe e ka ndihmuar të bëhet versioni më i mirë i vetes, duke shtuar se çifti mbetet i dashuruar njësoj si ditët e para. /Telegrafi/
