Aktori dhe komediani amerikan Andy Dick u filmua duke marrë një dozë të tepërt në një rrugë në Los Angeles, ndërsa kalimtarët iu afruan dhe u përpoqën ta ndihmonin. Ai më në fund foli hapur.
TMZ publikoi një video të tij të ulur në shkallë dhe duke humbur ndjenjat. Kalimtarët thanë se ai kishte marrë mbidozë dhe thirrën një ambulancë.
Një zëdhënës i Departamentit të Zjarrfikësve të Los Angelesit i tha medias se ata iu përgjigjën vendit të ngjarjes së një mbidoze që përfshinte një burrë 59-vjeçar, i cili nuk u dërgua në spital.
Më vonë, Andy Dick i tha medias së lartpërmendur se kishte pirë kokainë me një burrë të panjohur që e kishte takuar në rrugët e Los Angelesit. Ai deklaroi se ndonjëherë pi kokainë.
"Ishte një burrë i moshës sime atje dhe më erdhi keq për të. Ai ka fëmijë, ishte në depresion dhe ishte ulur në trotuar. Pastaj kërkoi kokainë dhe mendova, 'E dini çfarë? Ndoshta më duhet pak nga ajo'", tha ai.
Foto: Shutterstock
Ai ka vuajtur nga varësia ndaj drogës dhe alkoolit për shumë vite. /Telegrafi/
