“Aktivitetet e Komunës së Tetovës, marifete politike që përdoren para zgjedhjeve”
Më 15 tetor të këtij viti duhet të mbahen zgjedhjet lokale në Maqedoni. Një ndër komunat më të mëdha në vend, Komuna e Tetovës në krye me Teuta Arifin, edhe para fushatës zgjedhore vazhdon me realizimin e programit të saj politik. Uji në Tetovë është po aq jetike sa vetë mbajtja e pushtetit lokal nga Arifi. Ajo do të kandidojë përsëri për të marrë në dorë për herë të dytë Tetovën, edhe atë për të materializuar premtimet që i dha para qytetarëve.
Ka gati 10 ditë që qytetarët e Tetovës janë duke shfrytëzuar ujin pa asnjë problem, përkundër faktit që gjatë verës dhe muajve të kaluar, një pjesë e madhe e qytetit ka hasur vështirësi me mungesën e ujit. Aktivitetet e Komunës para zgjedhjeve lokale shpesh herë duken nga qytetarët si pretekst dhe pikë politike. Por Komuna e Tetovës të gjitha aktivitetet parazgjedhore i cilëson si vazhdimësi dhe se nuk lidhen me zgjedhjet.
Armend Fazliu nga Komuna e Tetovës thekson për Telegrafin se ujësjellësi i Tetovës nuk është menduar për fushatë. Sepse teknikisht një gjë e tillë është e pamundur. 22 kilometra rrjet ujësjellësi nuk mund të përçohet në një terren të vështirë malor vetëm për nevoja elektorale, aq më pak të ndërtosh filter stacionin më modern në nivel nacional për fushatë zgjedhore.
“Të gjitha këto investime kapitale që nuk janë bërë për 20 vitë me rradhë kërkojnë dinamikë, financime dhe kohën e duhur për tu realizuar. Ndërtimi i ujësjellësit ka filluar të realizohet që në vitin 2013 kurse filtër stacioni në vitin 2015.
Ajo që është kryesore dhe për tu diskutuar është që sot ujësjellësit të Tetovës i shtohen edhe 200l për sekond që në sasi totale nënkupton 500l për sekond, bashkë me rrjetin e mëparshëm.
Rekonstruksioni i objekteve arsimore për Komunën e Tetovës është një punë rrjedhëse, statistikisht po të investigoni do të shihni nga bilanci i investimeve se në këtë vit nuk janë shtuar investimet, por mbase ka munguar vëmendja e duhur për t’i ndjekur investimet e Komunës në përgjithësi.
Edhe vendosja e shenjëzimit horizontal është punë rrjedhëse që ka afatet e procedurave për prokurim publik. Zakonisht bëhet para muajit shtator, me qëllim që shënjëzimi horizontal para objekteve shkollore të bëhët para fillimit të vitit shkollorë.
Përtej të gjithave, me rëndësi është një gjë, që investimet kapitale siç janë ujësjellësi i Tetovës, dhe zhbërja e deponisë në hyrje të qytetit mbajnë një nënshkrim: Atë të Teuta Arifit”, deklarohet Fazliu.
Qytetari Bekim Bajrami për Telegrafin shprehet i zhgënjyer nga pritshmëritë e Komunës së Tetovës dhe sipas tij nuk janë realizuar premtimet që Teuta Arifi i dha para katër viteve.
“Komuna e Tetovës në krye me Teuta Arifin gjatë fushatës premtoi dhe realisht kishte program shumë të mirë, por asnjëra prej atyre nuk u bë. Realizime tek-tuk. Uji në Tetovë është e një rëndësie të madhe dhe Komuna mund të arsyetohet se ka qenë projekt shumë i madh dhe ja tani i paraprijnë zgjedhjet lokale. Unë mendoj se kjo gjë është bërë qartë që ky projekt të përmendet gjatë fushatës. Thjeshtë e shkurt, mendoj se Arifi do të mbahet mend për keq-qeverisje lokale”.
Opinionisti për çështje politike, Xhelal Neziri vlerëson se aktivitetet e çdo komune është dashur të kryhen me kohë dhe nuk është e pranueshme që ato të bëhen në prag të zgjedhjeve lokale.
“Nëse janë të planifikuara, atëherë nuk është problem. Nëse janë në funksion të zgjedhjeve lokale, atëherë mendoj se jo vetëm Komuna e Tetovës por edhe Komunat tjera duhet ta kenë parasysh atë që thotë populli se “në ditën arifes nuk trashet kurbani”. Në interes të qytetarëve është të zgjidhen problemet dhe kjo duhej bërë me kohë”.
Reagime ka edhe nga aktivistë të organizatave jo-qeveritare. Arianit Xhaferi nga Eco Guerilla për Telegrafin potencon se mandatet e kryekomunarëve kalojnë me aktivitete të zbehta, ndërsa nuk ndodh edhe para zgjedhjeve.
“Aktivitetet shtohen sa më shumë dhe se janë marifete politike që zakonisht përdoren para zgjedhjeve. Çdo aktivitet para zgjedhjeve është aktivitet parazgjedhor, thjeshtë fushatë. Mandatet e komunave zgjasin 4 vite dhe kur shohim që mandatet kalojnë shumë zbehtë, ndërsa para zgjedhjeve asfaltohen e shënohen, pastrohen e lahen rrugët, përurohet ujësjellësi, riparohen pjesërisht shkollat, etj. Reagimet e qytetarëve ndaj këtyre dukurive japin sinjal se vetëdija qytetare është ngritur dhe bien në sy, veçanërisht kritikat ndaj këtyre marifeteve të politikanëve. Duhet punuar çdo ditë të mandatit, jo vetëm muajin e fundit”, thotë Xhaferi. /Emir Hamzai/Telegrafi/
Promo
Reklamo këtuLufta Prigozhin - Putin
Më shumëQeveria aprovon rritjen e pensioneve për invalidët, veteranët dhe pjesëtarët e UÇK-së
Osmani pas takimit me zëvendës-sekretarin amerikan: Lajm i shkëlqyeshëm, Kosova dhe SHBA-të do ta finalizojnë së shpejti Dialogun strategjik
Në Belgjikë po trajtohet ankesa e vrasësve të Enver Hadrit, Qeveria ndan 100 mijë euro për familjen
Qeveria emëron Lyra Osmanin Inspektore të Përgjithshme, kurse Avni Kastratin drejtor të Agjencisë së Statistikave të Kosovës
Kurti publikon fotografi nga tubimi në Ferizaj: Vazhdojmë krah për krah, e cep më cep
FSK-ja shkoi në veri të vendit për një varrim, Maqedonci u zotua te KFOR-i se nuk kishte provokim
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Çdo fëmijë e don një xhaketë të re për vit të ri!
25% zbritje në çizmet Adidas Terrex? Zgjate dorën!
Hej djem! Super xhaketa e Adidas tani vjen me zbritje ekskluzive vetëm për ju
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
Më të lexuarat
Elon Musk nuk është fans i Liverpoolit, por i rivalit të tyre më të madh në Ligën Premier
Trump paralajmëron 'pushtimin' e Grenlandës, vjen reagimi i kryeministrit të ishullit
Zarf i zi në Big Brother VIP Albania 4
Përmasa gjigante: Granit Xhaka në mbështetje të Gjestit
FSK-ja shkoi në veri të vendit për një varrim, Maqedonci u zotua te KFOR-i se nuk kishte provokim
Rina publikon fotografi krah Feros: Akoma s’ka konkurrencë, 2025