Aktivisti Dr. A.C. ka ndërhyrë edhe në finalen e ‘The Voice’, në ceremoninë ‘National Television Awards’ dhe në emisione direkte televizive

Tashmë është zbuluar identiteti i mashkullit që ndërhyri në skenën e Eurovisionit gjatë kohës kur po interpretonte përfaqësuesja e Mbretërisë së Bashkuar, SuRie.

Ai njihet si Dr ACactivism apo shkurt Dr. A.C., ndërsa aktivisti ishte dorëzuar në polici dhe qëndron i arrestuar.

Derisa këngëtarja ishte duke e interpretuar këngën “Storm”, ai ia mori mikrofonin dhe është dëgjuar duke thënë: “Nazistët e mediave të Mbretërisë së Bashkuar, kërkojmë liri”.

https://www.youtube.com/watch?v=naeIHdXlg4c

Ndërkaq, kjo nuk është hera e parë që Dr. A.C. ndërhyn në ngjarje të mëdha televizive. Në vitin 2017, ai kishte ndërprerë një performancë në finalen e ‘The Voice’, ndërsa këtë vit e ka ndërprerë Dermot O’Leary në ceremoninë National Television Awards.

Lexo po ashtu Të gjitha lajmet për EUROVISION

Po ashtu, Stephen Nolan ka treguar se aktivisti kishte ndërhyrë edhe gjatë emisionit të tij të drejtpërdrejtë televiziv. Ndërsa mesazhi i tij ka të bëjë me mediat dhe mendimin e lirë.

Në bazë të asaj që thuhet në profilin e tij në Twitter, transmeton The Sun, ai është një filozof, aktivist, DJ/MC që jeton në Londër.

Dr. A.C. e ka shkruar një libër me titull “The Workings of The U.K State Mafia” (“Të bërat e mafisë shtetërore të Mbretërisë së Bashkuar”), të cilin e promovon me bluzat e tij edhe në rastet kur ndërhyn në ngjarjet e mëdha televizive. /Telegrafi/

https://www.youtube.com/watch?v=eVe2O6lYM_U