Autoritetet turke kanë arrestuar një person, i cili dyshohet se punonte për i Izraelin.
Shërbimi Informativ Turk (MIT) arrestoi Serkan Çiçek (emri i vërtetë Muhammet Fatih Keleş) gjatë operacionit "Metron", për bashkëpunim me shërbimin sekret izraelit, Mossad.
Një oficer i Mossadit me emrin Faysal Rasheed e kontaktoi Çiçekun përmes WhatsApp, duke u shtirur si një ndihmës juridik i huaj, raporton cnnturk.
Ai i dha detyrë Çiçekut të përcillte një aktivist palestinez në Başakşehir, i njohur për kritikat ndaj politikave të Izraelit në Lindjen e Mesme.
Çiçek u pagua me kriptomonedha në vlerë të 4000 dollarëve për katër ditë ndjekjeje.
Ai nuk arriti të gjente objektivin, tentoi të hynte në një kompleks banimi, por u kap nga shërbimi turk MIT, i cili e kishte nën mbikëqyrje. /Telegrafi/
