Agjenti i Osimhen dërgon një paralajmërim pasi ylli i Napolit u rendit i teti në garën për Topin e Artë

Agjenti i Victor Osimhen, Roberto Calenda, e përgëzoi sulmuesin e Napolit për renditjen e tij në pozitën e tetë në garën e Topit të Artë dhe paralajmëroi yjet e tjerë.

Reprezentuesi i Nigerisë përfundoi i 8-ti në renditjen e Topit të Artë 2023, duke u bërë lojtari i parë i Napolit që përfundon në top 10 dhe gjithashtu lojtari nigerian i renditur më lartë ndonjëherë.

Rekordi i mëparshëm për një lojtar të Napolit i përkiste Ruud Krol, i cili u rendit i 15-ti në vitin 1980.

“Ti bëre histori dhe e ardhmja është e jotja, Victor po vjen!”, ka shkruar Calenda në urimin e sulmuesit të Napolit në platformën X, e njohur dikur si Twitter.

8th in Ballon d’Or ranking!
You made history and the future is yours…Victor is coming!!!
Congrats @victorosimhen9 ???#strongerthaneverything #teamRc #osimhen #BallonDor pic.twitter.com/5pCvCkZHC3

— Roberto Calenda (@RobertoCalenda) October 30, 2023

Osimhen shënoi 26 gola në 32 paraqitje në Serie A sezonin e kaluar duke u bërë golashënuesi më i mirë i ligës dhe duke kontribuar në Scudetton e parë të Napolit në 33 vjet.

Sulmuesi aktualisht është jashtë fushës për shkak të një dëmtimi muskulor dhe ka shënuar gjashtë gola në 10 paraqitje në të gjitha garat këtë sezon. Në përgjithësi, ai ka shënuar 23 gola në ligë deri më tani në 2023. /Telegrafi/