Portieri i Liverpoolit, Adrian e ka cilësuar si javë të çmendur javën e kaluar si lojtar i klubit të madh anglez, pasi fitoi trofeun e Superkupës së Evropës.
Liverpooli fitoi Superkupën e Evropës pasi mposhti në penallti (5-4) Chelsean, me lojën e rregullt që përfundoi 1-1 dhe vazhdimet 2-2.
Njëri nga heronjtë e Reds ishte portieri spanjoll, Adrian, i cili priti penalltinë vendimtare të goditur nga lojtarët e Chelseat.
Ky trofe për Adrian erdhi vetëm nëntë ditë pas transferimit të tij në Anfield dhe spanjolli e ka cilësuar si javë të çmendur këtë të kaluar si lojtar i Reds.
Adrian duke ngritur lartë trofeun e Superkupës së Evropës (Foto: Michael Regan/Getty Images/Guliver)
E çmendur pasi 32-vjeçari erdhi si zëvendësues i Alisson Becker, por braziliani u lëndua dhe Adrian luajti si titullar në finalen e Stambollit.
"Ka qenë një javë e çmendur", ka thënë fillimisht Adrian në një intervistë pas ndeshjes.
"Jam shumë e lumtur për skuadrën, sepse kam fituar trofeun dhe e ka përfaqësuar Liverpoolin".
"Këta tifozë kanë shijuar një ndeshje shumë të gjatë, por ajo pati një fund shumë të bukur për ne", përfundoi spanjolli. /Telegrafi/
