Abramovich po e dërgon superjahtin në Turqi – Erdogan deri më tani ka refuzuar ta sanksionojë Rusinë

Roman Abramovich duket se është në një mision për t’i nxjerrë asetet nga kontinenti evropian ndërsa sanksionet shtrëngohen.

Superjahti i tij, Solaris, me vlerë 430 milionë funte, po shkon drejt jugut, me sa duket drejt Turqisë, pasi u ankorua në Mal të Zi të dielën. Më parë, ajo kishte qenë në një oborr riparimi në Barcelonë dhe po të kishte mbetur atje, mund të ishte sekuestruar deri më tani.

Lexo po ashtu Turqia nuk do t'i vendos sanksione Rusisë: Duhet të mbetet dikush që të flasë me ata

Abramovich është përmendur në paketën e katërt të sanksioneve të Bashkimit Evropian që do të shohë ngrirjen e aseteve për ata super të pasur rusë që konsiderohen të lidhur me presidentin Putin, raporton skynews.

Për shkak të sanksioneve të miratuara javën e kaluar në Mbretërinë e Bashkuar, çdo para ose pronë që Abramovich mban në Britani tani janë ngrirë. Aksionet e tij në bursën e Londrës nuk mund të shiten dhe nuk do të paguajnë dividentë, dhe ai nuk mund të përfitojë më nga shitja e planifikuar prej 3.5 miliardë euro të Chelsea Football Club. Atij i ndalohet gjithashtu hyrja në shtetin britanik.

Superjahti i dytë i Abramovich, Eclipse, ndodhet në brigjet e Algjerisë. Porti i saj më i afërt evropian është Italia, ku një tjetër oligark, Andrey Melnichenko, së fundmi iu kap një superjaht prej rreth 580 milionë euro nga autoritetet si pjesë e sanksioneve të BE-së.

Lexo po ashtu Abramovich po mundohet ta "fsheh" super-jahtin, zbarkohet në Mal të Zi

Mbrëmjen e së dielës, pronari i Chelseat bëri një udhëtim në Izrael, ku ai është shtetas. Izraeli aktualisht nuk ka sanksione ndaj oligarkëve rusë dhe Abramovich zotëron prona në vend.

Ai u fotografua në aeroportin Ben Guiron të Tel Avivit të hënën pasdite përpara se të fluturonte për një ndalesë të shkurtër në Stamboll. Turqia është një tjetër destinacion i mundshëm i sigurt për paratë ruse. Nga Stambolli i tij privat Gulfstream G650ER Jet – regjistrim LX-Ray – fluturoi për në Moskë në orët e para të mëngjesit të së martës. /Telegrafi/