Hebrenjve në Gjermani u kërkohet të mos mbajnë kapelën në publik

Komisioneri i qeverisë gjermane për antisemitizmin u ka kërkuar hebrenjve të evitojnë vendosjen e kapelave të tyre tradicionale në publik, të njohura si “kippot”.

Paralajmërimi i Felix Klein vjen pas një rritjeje të antisemitizmit.

Ai tha se mendimi i tij mbi këtë çështje kishte “ndryshuar krahasuar me atë që dikur ishte”.

Presidenti i Izraelit, Reuven Rivlin, tha se rekomandimi në vetëvete është një pranim se hebrenjtë vazhdojnë të mos jenë të sigurt në tokën gjermane.

“Jam i tronditur nga paralajmërimi i z. Klein dhe e konsideroj një kapitullim ndaj antisemitizmit. Ne nuk do të reagojmë kurrë ndaj antisemitizmit me defekt, dhe presim dhe kërkojmë që aleatët tanë të veprojnë në të njëjtën mënyrë”, tha presidenti izraelit.

Një rritje e mprehtë e numrit të veprave antisemite u regjistrua nga qeveria gjermane vitin e kaluar, përcjell oranews.tv.

Shifrat zyrtare treguan 1,646 krime të urrejtjes kundër hebrenjve, të cilat u kryen në vitin 2018 – një rritje prej 10% në vitin e kaluar.

Sulmet fizike kundër hebrenjve në Gjermani gjithashtu u rritën në të njëjtën periudhë, me 62 incidente të dhunshme të regjistruara, nga 37 në vitin 2017.

Duke folur për gazetën Handelsblatt, Ministrja e Drejtësisë Katarina Elbi tha se rritja e krimeve anti-semite është “e turpshme për vendin tonë”.