Çfarë është kreatina, si funksionon dhe cilat janë përfitimet e saj

Kreatina shpeshherë është temë debati në botën e shëndetit dhe fitnesit

Shpeshherë kreatina ndërlidhet me meshkujt që kanë trup të fryrë, por në përgjithësi reputacioni i saj varet nga personi në person.

E rëndësishme është se ju konsumoni kreatinë çdo ditë – thjesht nuk e dini këtë. P.sh., kur hani mish, mëlçitë dhe veshkat tuaja i marrin aminoacidet për ta krijuar kreatinë, e cila pastaj transferohet në muskuj si formë e energjisë qelizore që quhet monohidrati i kreatinë.

Suplementet e kreatinës funksionojnë ngjashëm, ku trupi e shndërron suplementin në fosfat kreatine, duke i ushqyer muskujt. Sasia e shtuar e suplementimit me kreatinë nënkupton se gjithashtu do të keni më shumë fuqi për më shumë përsëritje të një ushtrimi, transmeton Telegrafi.

Çfarë është kreatina?

Kreatina e ka dëshmuar veten përgjatë viteve si një prej suplementeve më efektive për përmirësimin e performancës gjatë ushtrimeve intensive. Qysh në vitet e 1970’ta, shkencëtarët sovjetikë e kanë ditur se suplementet e kreatinës e përmirësojnë performancën, dhe kjo ka kontribuar në dominancën olimpike të Bashkimit Sovjetik përgjatë viteve të 70’ta dhe 80’ta.

Kreatina në muskuj ndihmon që të rikuperoheni më shpejt mes përsëritjeve. Kjo nënkupton se vlerat e suplementit shërbejnë për ta shpejtuar kohën e rikuperimit. Kjo kontribuon që të shtoni më shpejt muskuj dhe forcë.

Si funksionon kreatina?

Kombinuar me ushtrime të peshës, kreatina e ngadalëson humbjen e masës së eshtrave gjatë plakjes dhe i lehtëson efektet e osteoartritit, ku nyejt shkaktojnë dhimbje. Duke marrë parasysh këtë, normalisht se kreatina ka efekte të ndryshme varësisht nga individi.

Në përgjithësi, efektet e kreatinës vërehen brenda një jave të përdorimit të suplementit – ku vëllimi i ushtrimeve dhe forcës rritet. Studimet e publikuara në revistën “Medicine & Science in Sports & Exercise” kanë zbuluar se fibrat muskulor rriten më shpejt pas suplementimit me kreatinë dhe ushtrimeve me rezistencë.

Përfitimet e kreatinës

Kur është fjala për rritjen e forcës muskulore, ekspertët e vlerësojnë kreatinën si efikase.

Analizat dhe eksperimentet e ndryshme tregojnë se kreatina e rritë forcën në pjesën e epërme dhe poshtme të trupit.

Por, efektet e kreatinës nuk janë vetëm këtë. P.sh., pagjumësia ka efekte negative në peformancën mendore dhe në disponim, e kjo pjesërisht ka të bëjë me një rënie të niveleve të kreatinës në tru.

Cilat ushqime kanë kreatinë?

Nëse nuk dëshironi ta merrni kreatinën si suplement por përmes ushqimit, atëherë mishi i kuq, salmoni, tuna dhe të verdhët e vezës janë të mbushur me kreatinë. /Telegrafi/