Konsorciumi turko- amerikan “Bechtel Enka”, që ka kryer punimet në autostradën që lidh Kosovën me Shqipërinë, ka përafruar punimet në segmentin e autostradës së re që lidh Kosovën me Maqedoninë, të filluar më shumë se një vit më parë.
Ela Ruçi, zëdhënëse e konsorciumit, tha se punët janë duke u zhvilluar sipas planit të paraparë dhe së shpejti mund të lëshohet për qarkullim pjesa e kryer e saj.
“Puna po vazhdon. Deri në komunën e Lipjanit është bërë shtrimi dhe po përfundojnë edhe elementet e fundit, që e bëjnë të mundur të lëshohet për trafik autostrada”, tha Ruçi.
Përgatitjet për lëshim edhe të një segmenti të autostradës Kosovë- Maqedoni, që ka marrë emrin e politikanit “Arbën Xhaferi”, bëhen pikërisht në kohën kur pritet të fillojnë punimet në një tjetër rrugë të re; Ministria e Infrastrukturës, në muajin e kaluar, prezantoi projektin e autostradës së tretë në Kosovë, Prishtinë – Gjilan- Konҫul.
Autostrada do të ketë një gjatësi prej 47 kilometra, kurse gjerësia e saj do të jetë 32 metra.
Me autostradat e reja në Kosovë, autoritetet vendore thonë se duan të lidhin me rrugët jo vetëm qytetarët e vendit, por edhe Kosovën me vendet e rajonit dhe rrjedhimisht të Evropës perëndimore.
Në vitin 2013 është kryer autostrada që lidh Kosovën më Shqipërinë dhe vetëm një vit më vonë, në 2014, kanë filluar punimet e autostradës që lidh Kosovën më Maqedoninë, e quajtur “Arbën Xhaferi”. Punët në këtë autostradë pritet të përfundojnë në periudhën e paraparë në kontratë, për 42 muaj.
Autostrada Kosovë-Maqedoni ka gjatësi prej 55 kilometrash, kurse kostoja e saj llogaritet të jetë rreth 600 milionë euro.
Ramë Çupeva, drejtor i Departamentit të Infrastrukturës Rrugore në Ministrinë e Infrastrukturës, thotë se ecuria e punimeve në autostradën Prishtinë – Hani i Elezit, që lidh Kosovën më Maqedoninë, po zhvillohet sipas dinamikës se paraparë.
Megjithatë, Çupeva thotë se ministria do të zbatojë çdo plan të autostradave, i cili paraprakisht do të jetë i aprovuar dhe do të ketë përkrahjen buxhetore nga Qeveria e Kosovës.
“Pa përkrahje buxhetore dhe pa pjesën financiare nga Qeveria, të projekteve strategjike, ku përfshihet edhe ndërtimi i autostradave, mund të kenë vonesa. Por, pa pasur konfirmim buxhetor ne nuk mund të vazhdojmë më tutje” , thotë Çupeva.
Më gjithë rëndësinë e infrastrukturës rrugore, ekspertë për çështje ekonomike konsiderojnë se etapa e autostradave në Kosovë duhet të përfundojë për një periudhë të caktuar.
Drejtori i Qendrës për Hulumtime strategjike STRAS, Ibrahim Rexhepi, thotë për Radion Evropa e Lirë se Kosova është vend i vogël dhe i varfër, që të ketë të lidhur çdo qytet me autostrada. Posaçërisht, thotë ai, kur merret parasysh fakti se autostrada që janë lëshuar për qarkullim nuk kanë reflektuar me ndonjë zhvillim të madh ekonomik .
Rexhepi thotë se fokusi i Qeverisë së Kosovës duhet të orientohet në përmirësimin e sistemit shëndetësor, në arsim dhe sektorë tjerë, të cilët përmirësojnë kushtet elementare të qytetarëve.
“Nuk është vetëm asfalti, nuk janë vetëm autostradat ato që bëjnë Kosovën joshëse për punë dhe për jetë. Do të thotë duhet të ketë ambient të qëndrueshëm dhe jetë kualitative në Kosovë, dhe pastaj të mendohet për investime të cilat në këtë moment nuk janë të domosdoshme”, thotë Rexhepi.
Autostrada Durrës – Merdarë – Nish është projekti i radhës, që lidh Shqipërinë, Kosovën dhe Serbinë, si projekt i përbashkët i infrastrukturës rrugore dhe hekurudhore për Ballkanin Perëndimor. /Rel/Telegrafi/
Promo
Reklamo këtuLufta Prigozhin - Putin
Më shumëNga qershori Aeroportit të Prishtinës i shtohet edhe një linjë e re fluturimi
Një epokë e re e transformimit digjital: IPKO prezanton pakot PRIMA dhe aplikacionin IPKO TV
Relaksim në përjetësi, me “Holiday In 2” t’gjitha i ki
Fito udhëtim në çift me IP Petrol!
Respekti dhe vlerësimi i punëtorëve refletojnë në suksesin e Emona Center
Klinika Amerikane “Dr. Behar Kusari” për herë të parë sjellë në rajon trajtimin pa dhimbje me Laser të Hemorroideve, Fistulave dhe Sinuseve Pilonidalis
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit