LAJMI I FUNDIT:

Me 754 raste aktive me COVID-19, aktualisht Kosova është në pikun e pandemisë që nga rastet e para më 13 mars

Me 754 raste aktive me COVID-19, aktualisht Kosova është në pikun e pandemisë që nga rastet e para më 13 mars

Tash e tre muaj Kosova është duke u përballuar me pandeminë COVID-19. Gjatë kësaj periudhe, numri i personave të infektuar me këtë virus është rritur dukshëm, po ashtu edhe numri i personave të shëruar ka pasur trend pozitiv, ndërsa numri i viktimave ka arritur në 34.

Aktualisht në vend janë të konfirmuara 1,756 raste pozitive me COVID-19, ndërsa 968 nga të infektuarit tashmë janë shëruar. Ku, rastet e para me COVID-19 në Kosovë janë paraqitur më 13 mars.

Sipas të dhënave të Institutit Kombëtar të Shëndetësisë Publike të Kosovës, numri i testeve të kryera për të identifikuar këtë virus është 19 mijë e 314, shkruan Telegrafi.

Të dhënat tregojnë se numri i rasteve aktive më COVID-19 në Kosovë është 754 apo rreth 43 për qind të numrit të përgjithshëm të atyre që kanë rezultuar pozitiv.

Për sa i përket rasteve më shumë të infektuar, del se data 16 qershor ka pasur 141 raste nga 397 teste të bëra. Kurse, që nga shfaqja e COVID-19 në vendin tonë, data 24 maj ishte e vetmja ditë nuk u identifikua asnjë rast.

Numri i rasteve me COVID-19 në Kosovë | Burimi: IKSHP dhe MSH

Lidhur me numrin e të shëruarve, sipas IKSHP-së, del se 87 persona ishin shëruar më 5 maj, e që ishte numri më i madh, shkruan Telegrafi.

Data 26 prill ishte momenti kur kishte filluar që të pakësohen rastet, e cila zgjati deri më 9 maj e që ishte dita më së paku raste aktive, pra vetëm 189 raste.

Për gati një muaj, lakorja e numrit të të infektuarave me COVID-19 ishte e sheshtë, deri afër hapjes së masave të fazës së tretë.

Rastet me COVID-19 në Kosovë, 13 mars – 16 qershor 2020 | Burimi: IKSHP dhe MSH

Nga data 31 maj deri më 16 qershor, kur janë raportuar të dhënat e fundit, numri i rasteve është rritur për 686. Aktualisht në vendin tonë nga ky virus kanë vdekur 34 veta, ku rasti i parë kishte ndodhur më 21 mars.

Ditën e martë, Ministria e Shëndetësisë ka publikuar “Manualin për Mbrojtje nga Përhapja e virusit COVID-19”, i cili përbëhet nga 153 faqe.

Sipas MSH-së, ky udhëzues do të vazhdoj të plotësohet në bazë të gjendjes epidemiologjike.

Në hyrjen e manualit sikur edhe në brendi theksohet se të gjitha institucionet respektive obligohen të zbatojnë masat e përcaktuara në këtë Manual, varësisht nga specifikat e tyre. /Telegrafi/

Në trend Lajme

Më shumë
Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Elfije Boletini
Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Lajme
Lajçak me post të ri nga shtatori

Lajçak me post të ri nga shtatori

Lajme
IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

Shëndetësi
RTK: Ambasadori Berishaj po intervistohet nga Prokuroria Speciale

RTK: Ambasadori Berishaj po intervistohet nga Prokuroria Speciale

Drejtësi
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori