65 për qind e përdoruesve të internetit, viktima të krimit kibernetik

Siguria kibernetike është një brengë globale – për individët, bizneset dhe shtetet e ndryshme. Megjithatë, shumica prej nesh nuk e marrin këtë kërcënim seriozisht, ose nuk bëjmë shumë për tu mbrojtur nga krimet kibernetike.

Hulumtimi i Ponemon Institute i bërë me 583 kompani amerikane thotë se 90 për qind e tyre janë sulmuar nga hakerët në 12 muajt e fundit.

Shumica prej këtyre kompanive thonë se sistemet e tyre kompjuterike janë thyer më shumë se një herë brenda vitit, ndërsa gjysma e tyre kanë thënë se nuk ndihen të sigurt se mund të përballojnë sulme të ngjashme në të kaluarën.

Gjetja më shokuese e këtij hulumtimi thotë se 65 për qind e përdoruesve të internetit kanë qenë viktima të krimit kibernetik, përmes viruseve, vjedhjes së kredit kartelave ose të dhënave të tyre personale të cilat janë të ruajtura online.

SHBA mban vendin e parë për nga përqindja e njerëzve që janë viktima të krimit kibernetik, me një mesatare që shkon deri në 73 për qind. / Telegrafi /