5 mësime të udhëheqjes nga liderët më të mëdhenj në histori

A ju kujtohet se kur ishte hera e fundit që keni marrë disa këshilla solide mbi udhëheqjen?

Nëse ka qenë një kohë e gjatë, atëherë bëhuni gati për të marrë disa këshilla të arta nga këta liderë që kanë hyrë në histori.

Shpesh, këshilla më e mirë e udhëheqjes vjen nga historia. Nëse shikojmë me kujdes, të gjithë udhëheqësit e mëdhenj kanë disa atribute të përbashkëta. Jo të gjithë kanë lindur udhëheqës, punuan për t’u bërë të tillë, zhvilluan zakonet e drejtimit dhe u bënë frymëzues.

Nëse dëshironi të drejtoni do t’ju duhet të mësoni nja dy gjëra rreth udhëheqjes nga liderët e mëposhtëm.

George Washington: Trajtoji të tjerët me respektin më të madh

George Washington ishte një njeri me integritet të jashtëzakonshëm, i cili e mbante veten me dinjitet dhe vetëbesim dhe ishte shumë i dashur për masën. Një udhëheqës me të vërtetë i madh!

Nëse jeni duke biseduar me një vartës, një partner apo shef, trajtojini ata në mënyrë të barabartë me respekt dhe ngrohtësi. Gjeste të vogla si këto shkaktojnë një rrugë të gjatë në përcaktimin e karakterit tuaj dhe ndikojnë në efektivitetin e rolit tuaj si një udhëheqës, përcjell Telegrafi.

Martin Luther King Jr: Gjithmonë bëni gjënë e duhur

Nëse dëshironi të bëheni një udhëheqës i madh, filloni të bëni gjërat e duhura edhe kur askush nuk është duke ju parë. Në kohët e pseudo-udhëheqjes, nuk është e vështirë të gjesh një udhëheqës autentik, i cili është i drejtë, i zgjuar dhe i përulur.

Një udhëheqës i vërtetë nuk shuhet kurrë nëse shpreh mendimet e tij, thyen stereotipat dhe bën gjënë e duhur, jo vetëm një herë, por çdo herë.

Steve Jobs: Përdorni kohën tuaj me mençuri

Ish-themeluesi i Apple, Steve Jobs gjithmonë do ta konsideronte kohën si asetin më të vlefshëm dhe kështu duhet të jetë. Një nga udhëheqësit më të mëdhenj të botës së teknologjisë gjithmonë ka qenë i matur me kohën e tij. Mësoni të menaxhoni kohën.

Planifikoni çdo minutë. Kuptoni se çfarë duhet të bëni dhe kur ta bëni. Shënoni ngjarjet më të rëndësishme në një kalendar online. Përdorni mjete për menaxhimin e kohës për të qëndruar sa më korrektë dhe të kuptoni përparësitë tuaja. Mos harroni se njerëzit i respektojnë njerëzit që e vlerësojnë kohën e tyre.

Jeff Bezos: Kini një vizion, Besoni në të

Udhëheqja ka të bëjë me faktin që ju të shihni dhe të krijoni një të ardhme më të mirë. Ka të bëjë me ndërtimin, zhvillimin dhe besimin e një vizioni që mund t’i shndërroni gjërat për më mirë.

Themeluesi dhe shefi ekzekutiv i Amazon, Jeff Bezos, ishte gjithmonë kokëfortë në vizionin e tij. Ai gjithashtu është një besimtar i madh. Sikur të mos ishte kështu, Amazon nuk do të ishte aty ku ndodhet sot. Ishte vizioni i tij që i dha risi projekteve si Amazon Prime dhe Kindle Unlimited, përcjell Telegrafi.

Richard Branson: Ju keni nevojë për njerëz të tjerë që të keni sukses

Mendjet e mëdha që nga Henry Ford tek Richard Branson e dinin se gjërat e mëdha në biznes nuk janë bërë kurrë nga një person. Ato janë bërë nga një grup njerëzish.

Branson gjithmonë synon të gjejë kandidatët më të mirë për të punësuar dhe u jep atyre autonomi të mjaftueshme e hapësirë për të lulëzuar. Kjo jo vetëm është në dobi të biznesit, por gjithashtu i ndihmon ata të bëhen liderët më të mirë.

Në një nga intervistat e tij, Branson tha se, “askush nuk mund të jetë i suksesshëm vetëm dhe ju nuk mund të jeni një lider i madh pa njerëz të mëdhenj që duhen udhëhequr”. /Telegrafi/