LAJMI I FUNDIT:

28 Nëntori festohet me frikën e COVID-19 dhe atyre që nuk besojnë në virus

28 Nëntori festohet me frikën e COVID-19 dhe atyre që nuk besojnë në virus

Kosova me aktivitete të ndryshme ka shënuar ditën e shtetit shqiptar, daljen publike të UÇK-së, si dhe ditëlindjen e Adem Jasharit.

Institucionet organizuan aktivitete të ndryshme, ndërsa, një pjesë e qytetarëve dolën në sheshet e Prishtinës për ta kremtuar këtë ditë.

Në sheshe kishte një numër të madh të qytetarëve, megjithatë, për shkak të pandemisë, aty nuk kishte këngë e valle për shkak të rrethanave të krijuara nga pandemia Covid-19.

Qytetarët që u panë në sheshe, thanë se duhet të kenë kujdes. Disa nuk besojnë që ka virus, ndërsa, të tjerët ankohen pse nuk kishte organizime sikurse viteve tjera në sheshet e kryeqytetit.

Idriz Pllana ka thënë se pandemia ka zbehur këtë festë pasi qytetarët po frikësohen nga pandemia, megjithatë, shton se preventiva është e mirë.

“Pandemia e ka zbehë çdo festë, qoftë fetare, qoftë kombëtare, të gjitha i ka zbehë shumë. Njerëzit po frikësohen shumë, por edhe duhet me u ruajte, me pas kujdes, preventivë është gjithmonë e mirë”, ka thënë Pllana.

Ndërsa, një qytetar tjetër, Nexhmedin Llapashtica ka thënë se nga pandemia ka pasur një zbehje. Sipas tij, qytetarët kanë nevojë për liri dhe se nuk është cenim nëse dalin ata në sheshe.

“Populli jonë nuk e beson se ka pandemi, andaj zbehja po duket se e ka zbehë 30 për qind më shumë. Njerëzit janë të etshëm për liri, për mu kënaq, prandaj edhe kanë dal. Mendoj se nuk është cenim i asaj kur fëmija dhe familja dalin 5 minuta këtu”, ka thënë Llapashtica.

E një qytetarë tjetër, Shukri Retkoceri ka thënë se këtë vit festa nuk është në nivel të kënaqshëm, dhe se edhe pse janë marrë masa, pra rastet po rritën çdo ditë.

Ai ka thënë se qytetarët duhet të dalin ta festojnë këtë festë, ndërsa shton se është dashtë të organizohen edhe aktivitetet të tjera.

“Është njëfarë feste jo bash qysh duhet me kanë. Nuk e di, masat sa më shumë t’i shtrëngojnë, masat kundër virusit, rastet po lajmërohen gjithherë më të mëdha, njerëzit po vdesin më shumë, kështu që duhet me e festu këtë festë. Ka qenë dashtë më mirë me u festua, ka qenë dashtë disa aktivitete tjera”, ka thënë Retkoceri.

Ajet Sumaj thotë se për shqiptarët nuk ka virus kur flitet për festa të tilla dhe se duhet të dalin të gjithë të festojnë.

“S’ka pandemi për shqiptarët po e shihni edhe vet sa njeri është dal këtu. Janë dal fëmijë, gra, burra, kjo është festë e çdo shqiptari dhe nuk mundet me e ndal as kuvendi as asgjë hiç, për këtë këna hjekë ne”, ka thënë Sumaj.

Qytetarët e Kosovës më 28 Nëntor festojnë pavarësinë e Shqipërisë, daljen publike të UÇK-së, si dhe ditëlindjen e komandantit legjendar Adem Jashari.

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Lajme
Kalo në kategori