20 vjeçari shqiptar po shkëlqen në Serie A, Milani dhe Interi vihen pas Kristjan Asllanit dhe janë gati të paguajnë miliona euro

Empoli këtë sezon ka befasuar me paraqitje të mira, me mesfushorin shqiptar Kristjan Asllani që është duke e zhvilluar sezonin e parë në elitën e futbollit Italian dhe ka shkëlqyer në drejtimin e trajnerit Aurelio Andreazzoli.

Si 20-vjeçar ai ka koleksionuar 14 paraqitje me fanellën e Empolit duke dalluar me cilësitë e tij në mesfushë, duke bërë që klube të mëdha në Itali të vihen pas tij.

Sipas gazetritm Alfredo Pedulla, Milan me drejtorin Paolo Maldini është një nga skuadrat më të interesuara për Asllanin, teksa kuqezinjtë po përgatisin një plan për ta afruar lojtarin sezonin e ardhshëm.

Empolit e vlerëson kartonin e mesfushorit rreth 10 milionë euro, ndërsa kuqezinjtë për të shmangur një disfatë nga Interi që gjithashtu e vlerëson talentin shqiptar, pritet të paguajnë këtë shumë.

Ideja e Milanit është që ta marr kartonin e Asllanit në afatin kalimtar verorë dhe më pas ta lejojnë të qëndrojë me Empolin edhe për një tjetër vit, në formë huazimi.

Kujtojmë se Asllani nuk është lojtari i vetëm nga Shqipëria për të cilin Milan ka interes, pasi në radhët e Empolit është edhe mesfushori tjetër sulmues, Nedim Bajrami që gjithashtu konsiderohet si një futbollist me perspektivë të madhe. /Telegrafi/