20 vite Besë

Themeluar 20 vite më parë nga Abedin Hasani, sot Besa Security identifikohet si kompania që udhëheq industrinë e sigurisë në Kosovë.

Që nga viti 2012, ky biznes u zgjerua edhe në Shqipëri për të ofruar shërbimet e saj.

Tashmë Besa Security është e anëtarësuar dhe certifikuar nga organizata të ndryshme ndërkombëtare.

Në vitin 2011, Besa Security u certifikua nga Bureau Veritas me ISO 9001:2015, që është standardi i kontrollit të cilësisë.

Kjo kompani ka edhe certifikatën ISO 45001:2018, standard ky që garanton kontroll mbi sistemin e menaxhimit të mbrojtjes së shëndetit dhe sigurisë në punë. Ndërsa, nga viti 2020 është e certifikuar me standardin ISO 27001:2013, që lidhet me menaxhimin e sigurisë së informacionit.

Besa Security gjithashtu më 2021 ka arritur të certifikohet me ISO 14001:2015, për sistem të menaxhimit për mbrojtje të mjedisit.

Përveç certifikimeve, kjo kompani nga viti 2014 është fituese e çmimit Superbrand Kosovo’s Choice.

Gjithashtu, nga viti 2019, Besa Security është anëtare e organizatës më të madhe në botë për siguri ASIS International.

Si kompania e parë nacionale për ofrimin e shërbimeve të mbikëqyrjes elektronike përmes sinjaleve të sistemit të alarmit, Besa Security ka vazhduar të ofrojë produkte dhe shërbime që përfshijnë: sigurinë fizike dhe të tubimeve publike, mbrojtjen e afërt, transportin e parave të gatshme dhe numërimin e tyre, dhe mirëmbajtjen e sistemeve të sigurisë, duke përfshirë edhe ATM.

Po ashtu, kompania ofron pajisje profesionale të sigurisë dhe vëzhgimin përmes tyre si dhe zgjidhje për shtëpi të mençura.

Aktualisht, Besa Security zotëron mbi gjysmën e tregut të Kosovës për siguri me sistem të alarmit, për mbi 10,000 klientë, ku 98 për qind e tyre vjen nga sektori privat që përfshinë korporata vendore dhe ndërkombëtare, institucione financiare, biznese të vogla e të mesme dhe rezidenca private.

Sot, kompania ka një flotë prej mbi 80 makinash, ku një nga tre prej tyre janë 100 për qind elektrike, e me këtë theksohet përgjegjësia dhe qasja miqësore ndaj ambientit si dhe shembulli që Besa Security jep për t’u ndjekur nga industria e sigurisë në Kosovë.

Në të ardhmen, kompania premton që përmes zgjidhjeve të bazuara në teknologjinë e fundit dhe inteligjencën artificiale (AI) të ofrojë projekte dhe shërbime të avancuara që lidhen me fushën e sigurisë.

Në fund, Besa Security shpreh mirënjohjen dhe falenderimin për klientët dhe partnerët e saj, mbështetja e të cilëve kanë qenë të rëndësishme për rritjen e kompanisë.

Gjithashtu, kompania shpreh vlerësimin për punëtorët, pasi që angazhimi dhe dedikimi i tyre kanë qenë vendimtare për arritjet dy dekadëshe të Besa Security.