“1000 vjet në dy minuta, historia mes Kosovës dhe Serbisë” – shikohet rreth dy milionë herë në Twitter, reagon gazetarja e CNN

Bianca Nobilo gjatë ditës së djeshme ka publikuar një video në rrjetet sociale, e cila është shikuar mbi 1.8 milion herë.

Gazetarja e CNN-it ka treguar në detaje se çfarë po ndodh mes shqiptarëve dhe serbëve në veri të Kosovës.

Lexo po ashtu "1000 vjet në dy minuta" - gazetarja e CNN-it shpjegon historinë mes Kosovës dhe Serbisë

Ajo është munduar që brenda dy minutave të shpjegojë një histori 1000 vjeçare mes shqiptarëve dhe serbëve.

“Çfarë fshihet pas tensioneve të ndezura mes Kosovës dhe Serbisë, dhe përplasjeve të dhunshme në Kosovë këtë javë?, ka shkruar udhëheqësja e emisionit “The Global Brief”.

Ndërkohë, duke parë interesimin e jashtëzakonshëm rreth kësaj teme, ajo ka reaguar në Twitter.

“Inspiruar nga përgjigjet dhe debatet rreth këtyre shpjegimeve. Edhe nëse ato nuk arrijnë të përfaqësojnë plotësisht temat. Më tregoni nëse ka një temë gjeopolitike/lajme për të cilën dëshironi”, shkroi në Twitter.

Kujtojmë se ajo më parë kishte intervistuar edhe kryeministrin e Kosovës, Albin Kurti rreth pushtimit rus në Ukrainë dhe ndikimit të saj në Kosovë.

Ndryshe, Nobilo jeton dhe vepron në kryeqytetin britanik, Londër ndërsa së fundi ka filluar të shpjegojë përmes rrjeteve sociale se çfarë po ndodh në zonat e nxehta të ndryshme të botës. /Telegrafi/

Heartened by the response and debate around these explainers. Even if they can’t begin to do the topics justice. Let me know if there’s a geopolitics/news subject you’d like one on 👇🏼 https://t.co/BS5m531nzx

— Bianca Nobilo (@bianca_nobilo) June 2, 2023