Zyrtare: Teo Hojc bëhet trajner i KB Prishtinës

Sigal Prishtina ka konfirmuar se Teo Hojc do të jetë trajneri i tyre i ri.

Klubi bardhekalter e zyrtarizoi marrëveshjen me sllovenin, e që do ta drejtojë skuadrën për pjesën e dytë të sezonit.

Teo Hojc së fundmi ishte trajner në klubin e njohur sllovak, Patrioti Levice ku për katër vite në drejtim të këtij klubi arriti të fitoj titullin në sezonin 2018 dhe kupën në sezonin 2019.

Prishtina ka falënderua edhe Bujar Locin për kontributin e dhënë në skuadër.

“Falënderojmë trajnerin e deritanishëm Bujar Locin – Bukin, për punën e palodhur që e ka bërë në skuadrën tonë, në njërin prej sezoneve më të vështira që ka pasur klubi vitet e fundit”, thuhet në njoftimin e klubit.

“Bujar Loci me gjithë vështirësitë që kemi pasur në këtë edicion, arriti që ta bëj Sigal Prishtinën Kampion Vjeshtor si dhe ta fitoj Super Kupën, dhe ta udhëheqë ekipin në Euro Cup me shumë dinjitet. Bujar Loci tani e tutje do të ketë pozitë të re në klubin tonë, atë të ndihmëstrajnerit te parë”. /Telegrafi/