Simon Mignolet është larguar përfundimisht nga skuadra e Liverpoolit.
Portieri belg kishte mbetur zgjedhja e dytë te The Reds dhe vendosi të largohet në drejtim të Club Brugge.
Pas gjashtë viteve të kaluara në Anfield, Mignolet do të rikthehet në vendlindje tek kampioni i shumëfishtë belg Club Brugge.
Nga transferimi i Mignolet në Club Brugge, Liverpooli ka fituar 7 milionë euro si dhe dy milionë euro të tjera në formë bonusesh.
Mignolet pasi i ka kryer me sukses vizitat mjekësore ka nënshkruar kontratë pesë vjeçare me klubin e tij të ri.
31-vjeçari kësisoj rikthehet në vendlindje pas nëntë viteve të kaluara në Angli, ku tri vite të tjera kishte veshur fanellën e Sunderland.
Mignolet me Club Brugge do të synojë triumfin në kampionatin belg. /Telegrafi/
