Zyrtare: Dortmundi shkarkon trajnerin Bosz, Stoger në vend të tij (Foto)

Skuadra gjermane, Borussia Dortmund ka shkarkuar sot (e diel) trajnerin e saj, Peter Bosz, ndërsa vendin e tij do ta zë Peter Stoger. 

Milionerët nga Bundesliga dhe trajneri Bosz kanë vendosur t’i ndajnë rrugët gjatë ditës së diel.

Kjo pasi, Dortmundi vendosi ta shkarkoj nga detyra trajnerin holandez ende pa mbushur mirë gjashtë muaj në krye të detyrës.

Lexo po ashtu Bosz drejt largimit nga BVB

Shkarkimi i Boszit erdhi si shkak i rezultateve të dobëta të treguara në Ligën e Kampionëve dhe Bundesliga.

Dortmundi u eliminua nga Liga e Kampionëve dhe nuk ka gjetur fitore që tetë ndeshje në Bundesliga dhe kjo mbushi kupën e drejtuesve gjerman.

Shkarkimin e holandezit klubi gjerman e njoftoi me anë të rrjeteve sociale dhe faqes zyrtare të klubit.

Drejtuesi i klubit, Joachim Watzke, theksoi se pas një bisede të gjatë me Bosz vendosën që t’i ndajnë rrugët, teksa nuk harroi t’i uroj fat trajnerit holandez në të ardhmen.

Vendin e tij në klub do ta zë përkohësisht, Peter Stoger, i cili para disa javësh ndau udhët me skuadrën tjetër gjermane, Kolnin. /Telegrafi/

Hans-Joachim Watzke: "Wir haben gestern Abend in einem Gespräch mit Peter Bosz entschieden, dass wir ihn mit sofortiger Wirkung freigestellen. Es war sehr emotional, aber auch stilvoll.“

— Borussia Dortmund (@BVB) December 10, 2017