Zvicra anulon “Alba Festival” për shkak të përkeqësimit të situatës epidemiologjike

Në mediat zvicerane është raportuar anulimi i “Alba Festival” për shkak të situatës epidemiologjike.

“Barra në sistemin shëndetësor në përgjithësi dhe njësitë e kujdesit intensiv në veçanti është rritur dhe po i afrohet kufirit kritik”, ka shkruar këshilli qeveritar në një deklaratë për shtyp të enjten.

Një ngjarje e madhe siç është festivali dy-ditor “Alba”, i cili ishte planifikuar për fundjavën e ardhshme në Hardturm, nuk do të mund të realizohet.

Nga evenimenti i kaluar, rreth dy vjet më parë u mblodhën mbi 10 mijë njerëz, teksa vitin që lamë pas u anulua nga situata e krijuar me coronavirus.

Këshilli qeveritar dëshiron të shmangë një barrë të tillë shtesë për spitalet në situatën aktuale të ndjeshme, thuhet në njoftimin për media.

Për të njëjtën arsye, kantoni Thurgau dhe qyteti i Frauenfeld tërhoqën miratimin e tyre për ngjarjen e Frauenfeld Open Air këtë javë.

‘Të kthyerit e infektuar nga pushimet’

Për më tepër, Festivali “Alba” synon kryesisht një komunitet të prekur rëndë”, siç shkruan qeveria. I referohet gjetjeve nga gjurmimi i kontakteve të kantonit, si dhe përditësimit të grupit të punës së Covid Science. Këto tregojnë se të kthyerit e pushimeve nga Ballkani janë infektuar me coronavirus më shumë se mesatarja.

Prandaj, një numër mbi mesatar i pacientëve në njësitë e kujdesit intensiv kanë lidhje me Ballkanin. Nga kjo mund të konkludohet se shkalla e vaksinimit në këtë grup të popullsisë është shumë e ulët për të qenë përgjegjës për një ngjarje kaq madhore në situatën aktuale epidemiologjike.

Këshilli qeveritar dëshiron të parandalojë përhapjen e virusit në festival, nga ana tjetër Qeveria mendon se është detyra e saj të kundërshtojë rrezikun aktualisht në rritje të infeksionit në këtë grup të popullsisë dhe ta mbrojë atë.

Zhgënjimi i pashmangshëm

Këshilli qeveritar është i vetëdijshëm se heqja e miratimit është një zhgënjim për organizatorët dhe gjithashtu për vizitorët e festivalit “Alba”, shkruan ai në fund të deklaratës për shtyp. Duke peshuar të gjithë faktorët, megjithatë, ai arriti në përfundimin se ky hap ishte i nevojshëm.

Organizatorët po shqyrtojnë hapat ligjorë

Organizatorët kanë shkruar në një deklaratë të shkurtër se ata kanë marrë parasysh anulimin dhe po e rishikojnë situatën në mënyrë ligjore.
Në këtë festival do performonin artistë të shumtë nga Kosova si: Mozzik, Kida, Dhurata Dora, Ermal Fejzullahu etj. /Telegrafi/