Rep-artisti i njohur gjerman, Zuna, ka publikuar së fundmi projektin e tij më të ri muzikor.
“Benzema” titullohet kënga e tij e re, e cila është ritmike e zhanrit hip-hop dhe RnB.
Kënga është produkt i producentëve të njohur gjerman Rock dhe Avo, teksa është vizualizuar edhe me klip.
Ajo çfarë bie në sy është se në klipin e kësaj kënge nuk mungon reperja e njohur shqiptare, Loredana, e cila e shoqëron reperin në video.
Reperja nga Ferizaj e cila është në lidhje me reperin gjerman, pavarësisht se nuk interpreton ndonjë pjesë të këngës, është pjesë e performancës së klipit pranë të dashurit të saj.
Vetëm pak javë më parë, Telegrafi siguroi një fotografi ekskluzive të dyshes, ku shiheshin duke shijuar nga një kafe me njëri-tjetrin në Cyrih të Zvicrës.
Çifti e mbështesin njëri-tjetrin gjithmonë në projektet muzikore të njëri-tjetrit. /Telegrafi/
