Zoologu i famshëm britanik akuzohet për përdhunimin e qenve si dhe filmimin e këtyre gjërave – abuzoi me disa derisa ngordhën

Eksperti i mirënjohur britanik i krokodilit, është deklaruar fajtor për 60 akuza në lidhje me abuzimin me kafshët dhe fëmijët.

Gjatë gjyqit në Australi, u prezantua një video që tregonte Adam Britton duke torturuar dhjetëra qen derisa pothuajse të gjithë ngordhën, transmeton Telegrafi.

Britton postoi video të abuzimeve të tij në internet, ku kërkoi edhe materiale për abuzimin e fëmijëve.

Prokurorët paraqitën akuzat në Gjykatën e Lartë, e duke qenë se shumica e krimeve të Britton janë tepër të rënda dhe groteske për publikun, gjyqtari urdhëroi disa nga stafi i gjykatës të largoheshin nga salla e gjyqit, shkruan BBC.

Adam Britton është një zoolog i njohur që ka bashkëpunuar në produksionet e BBC dhe National Geographic.

Ai lindi në Ëest Yorkshire dhe u rrit në Mbretërinë e Bashkuar, por u transferua në Australi më shumë se 20 vjet më parë për të punuar me krokodilat.

Ai mori doktoraturën në zoologji dhe dha mësim në Universitetin Charles Darwin në Australi.

Prokurorët pretendojnë se që nga viti 2014, ai ka shfaqur një interes seksual sadist ndaj kafshëve.

Abuzoi seksualisht me qentë e tij, si dhe me qentë e të tjerëve, për të cilët fillimisht kujdesej kur pronarët ishin në udhëtime dhe më pas i adoptoi.

Ai abuzoi me kafshët në një kontejner transporti në pronën e tij, i cili gjithashtu përmbante pajisje regjistrimi, dhe më pas publikoi pamjet në internet me një emër të rremë.

Policia australiane u informua për një video të tillë dhe e arrestoi Britton në prill 2022. Nga 42 qentë që ai abuzoi në 18 muajt para arrestimit të tij, 39 ngordhën. /Telegrafi/