Zlatan Ibrahimovic flet për transferimin e mundshëm të Walker tek Milani

Këshilltari i Milanit, Zlatan Ibrahimovic ka dhënë një përditësim sa i përket interesimit të gjigantit italian për transferimin e Kyle Walker. 

Pasi Pep Guardiola konfirmoi se mbrojtësi i djathtë dëshiron të largohet nga Anglia, 34-vjeçari është lidhur me një kalim të mundshëm tek Milani. 

Tani, Ibrahimovic ka pranuar se reprezentuesi anglez është një lojtar dhe lider i madh dhe se Milani po e vlerëson nëse transferimi i tij është i mundur. 

“Të gjithë e dinë se Walker është një lojtar i madh, ai bëri gjëra të mëdha tek City. Kur është dikush si ai në treg ka shumë interesim”. 

“Kjo nuk shkon kundër vizionit tonë sepse ai është i fortë, ai është një lider, ai ka dominim në dhomën e zhveshjes. Tani po e vlerësojmë nëse është e mundur”. 

Pas më shumë se shtatë vitesh të kaluara tek City, aty ku ka fituar një numër të madh trofesh, aventura e Walker në ‘Etihad’ po shkon drejt fundit. 

Gazetari i njohur Fabrizio Romano ka bërë të ditur se ish-ylli i Tottenhamit pritet t’i bashkohet Milanit gjatë ditëve në vazhdim./Telegrafi/