Dhoma e Tregtisë njoftoi se dje iu bashkua aktivisht përpjekjeve për shuarjen e zjarrit në fabrikën Makprogres në Vinicë.
Dhoma njoftoi formimin e një shtabi krize me pronarin e fabrikës me qëllim normalizimin e plotë të situatës, duke shprehur keqardhje për dëmin që pësoi kompania, anëtare e tyre.
"Mbrëmë rreth orës 19:20, Kryetari i Dhomës së Tregtisë Branko Azeski u informua nga pronari i Makprogres Vinica, Gligor Cvetanov, se kishte një zjarr në fabrikë. Qeveria, Kryeministri, si dhe Zëvendëskryeministri dhe Ministri i Transportit u njoftuan menjëherë, të cilët dhanë urdhrat e nevojshëm për të shpëtuar të gjithë fabrikën, por pavarësisht aktiviteteve intensive, konkludohet se tre hapësira kryesore prodhuese janë shkatërruar plotësisht", thuhet në deklaratë.
Një ekip i Dhomës së Tregtisë ka qenë i pranishëm në vendngjarje që nga momenti i shpërthimit të zjarrit dhe, së bashku me pronarët, do të formojnë një shtab krize. Dhoma po ndërmerr aktivitete për normalizimin e plotë të situatës, thuhet në deklaratën e Dhomës së Tregtisë.
