Një vullnetar i kishës ka pranuar se i ka vënë zjarrin që shkatërroi katedralen në qytetin francez të Nantes javën e kaluar, tha avokati i tij.

Sipas medieve të huaja, përcjell Telegrafi, bëhet fjalë për një refugjatë ruandas, i cili punoi si kujdestar në katedrale.

Gjithsesi, së paku deri më tani, nuk është dhënë asnjë motiv për zjarrin.

Avokati i tij u tha gazetarëve klienti i tij ndjeu “lehtësim” pasi rrëfeu.

Vullnetari 39-vjeçar, i cili nuk është emëruar, fillimisht u arrestua për marrje në pyetje pas flakës, por më pas u la i lirë.

Prokurori i Nantes Pierre Sennes tha të shtunën se burri ishte akuzuar për “shkatërrim dhe dëmtim nga zjarri” dhe se mund të përballej me deri në 10 vjet burg dhe 150,000 euro gjobë.

Rreth 100 zjarrfikës kanë arritur të ndalojnë flakët të shkatërrojnë strukturën kryesore në katedrale.

Zjarri vjen rreth 15 muaj pasi një flakë gati e shkatërroi Katedralen e Notre-Dame në Paris. /Telegrafi/