Bota është plot me pamje, tinguj dhe mistere të mahnitshme.

Derisa shumë vende janë shembuj spektakolarë të asaj që ka krijuar natyra, të tjerat janë të çuditshme.

Përgjatë shekujve, njerëzit kanë pyetur veten se çfarë i ka shkaktuar ato, duke aluduar tregime për UFO-t, xhinët dhe hyrjet në ferr.

Në disa raste, misteret prapa këtyre mrekullive të çuditshme mbeten të pazgjidhura.

Në listën e mëposhtme gjenden një pjesë e vogël e vendeve më të çuditshme të planetit Tokë dhe shqyrtohet gjithçka që shkencëtarët kanë arritur të zbulojnë për to.

Pusi i Ferrit, Jemen

I quajtur zyrtarisht Pusi i Barhout, kjo gropë në Jemen, e cila ka një thellësi prej 100 metra, është thënë prej kohësh se është shtëpia e djajve dhe xhinëve, apo edhe porta e ferrit.

Studiuesit më në fund arritën në fund të vrimës, duke luftuar errësirën, nivelet e ulëta të oksigjenit dhe tymrat e dëmshme.

Ata nuk gjetën xhinë por vetëm disa gjarpërinj dhe kafshë të ngordhura.

Pylli i shtrembëruar Poloni

Në një pyll të qetë në Poloninë perëndimore, gjenden disa pemë të çuditshme identike të cilat janë të shtrembëruara.

Për vite me radhë ka pasur teori të ndryshme mbi atë se çfarë mund t’i ketë shtrembëruar ato pemë.

Përgjigjja është më e thjeshtë, por tragjike. Besohet se ato u mbollën dhe më pas u formësuan derisa rriteshin në atë mënyrë nga pylltarët për ndërtimin e anijeve.

Mjerisht, e gjithë zona u shkatërrua plotësisht në Luftën e Dytë Botërore, qyteti aty pranë u rrafshua me tokë dhe ata të cilët posedojnë përgjigjet nuk janë më gjallë.

“Porta drejt ferrit”, Turkmenistan

Gropa në Turkemnistan që është e gjerë 70 metra ka qenë në zjarr për më shumë se 50 vjet. Edhe pse teknikisht quhet krateri i gazit Darvaza, vendasit e njohin kraterin si “Portat e Ferrit”.

Krateri u krijua në vitin 1971 kur një pajisje sovjetike shpimi aksidentalisht bëri gropën masive ku brenda saj gjendej një shpellë masive nëntokësore e gazit natyror, duke bërë toka të shembet dhe e gjithë pajisje të bjerë brenda. Duke shpuar një vrimë gazi, tymi helmues filloi të rrjedhë në një normë alarmante.

Për të shmangur një katastrofë të mundshme mjedisore, sovjetikët i vunë zjarrin vrimës, duke besuar  se ajo do të ndalonte së djeguri brenda pak javësh. Dekada më vonë, dhe gropa e zjarrtë vazhdon të jetë e fortë. Pajisja sovjetike e shpimit besohet të jetë akoma atje diku.

Flaka e përjetshme, SHBA

Në Parkun Chestnut Ridge të New York-ut gjendet një ujëvarë ku pas saj ndezët një flakë e përjetshme.

Por para se dikush të supozojë për ndonjë mister, flaka në fakt shkaktohet nga rrjedhja e gazit metan dhe shumë rrallë fiket, por lehtë mund të ndizet nga një çakmak.

Rrathët e Zanave, Namibi

Në shkretëtirën e Namibisë ka mijëra rrathë të çuditshëm në dheun e shkretëtirës.

Me dekada shkencëtarët u përpoqën ta zbulojnë se çfarë mund t’i ketë shkaktuar ato.

Ata besuan se insektet nën tokë po pastronin bimësinë sipër, kështu që reshjet e rralla të shiut nuk gëlltiteshin nga bimët.

Por më pas, shkencëtarët e zbuluan një fenomen të ngjashëm në Australi në zonat ku nuk kishte insekte.

Struktura Richat, Mauritania

I njohur si Syri i Saharasë, kjo vorbull 48 kilometra e gjerë në Mauritania, e cila nga lart duket si një sy, është aq e madhe saqë mund të shihet qartë nga hapësira.

Duke parashikuar jetën në tokë, shkencëtarët fillimisht menduan se ishte shkaktuar nga një asteroid, por tani thonë se ishte një kupolë vullkanike e cila gjatë miliona viteve është gërryer, duke ekspozuar shtresën. /Telegrafi/