E plotësuar: Policia e Kosovës ka njoftuar se rreth orës 12:00, është raportuar për një zjarr aktiv në një objekt në rrugën Enver Zymberi në Prishtinë.
Zëdhënësi i policisë për kryeqytetin, Enis Pllana tha për Telegrafin se policia menjëherë ka dalë në vendin e ngjarjes, po ashtu edhe zjarrfikësit, të cilët kanë lokalizuar zjarrin.
"Nga informatat fillestare nuk raportohet për persona të lënduar", tha ai.
Pllana shtoi se aktualisht po vijon puna hetimore për sqarimin e plotë të rrethanave që karakterizojnë ngjarjen. /Telegrafi/
-------
Mesditën e së hënës, një objekt është përfshirë nga zjarri në zonën pranë stadiumit në Prishtinë.
Menjëherë pas pranimit të njoftimit, në vendin e ngjarjes kanë dalë njësitë e zjarrfikësve, të cilat janë duke punuar për lokalizimin dhe shuarjen e flakëve.
Deri më tani nuk raportohet për persona të lënduar, ndërsa shkaqet e rënies së zjarrit mbeten ende të panjohura.
Telegrafi ka kontaktuar Policinë e Kosovës dhe Shërbimin e Zjarrfikësve për të marrë më shumë detaje lidhur me rastin dhe është në pritje të informacioneve zyrtare. /Telegrafi/
