Zidane për shortin e çerekfinales: Liverpooli do të jetë shumë kërkues

Zinedine Zidane u deklarua në konferencë për shtyp menjëherë pas shortit për çerekfinaleve në Ligën e Kampionëve.

Real Madrid do të përballen me Liverpoolin në tetë të fundit, dhe francezi është i vetëdijshëm për kërcënimin që ata paraqesin pasi u përballën me ta në finalen e vitit 2018 në Kiev.

“Ne i dimë vështirësitë në këtë nivel. Do të jetë shumë kërkuese, veçanërisht fizikisht”, ka thënë Zidane.

Zidane u pyet edhe një herë për të ardhmen e tij te Real Madridi.

“Unë nuk shoh përtej ditës në ditë. Nuk planifikoj asgjë. Ju mund të nënshkruani për dhjetë vjet dhe të largoheni menjëherë më vonë, dhe anasjelltas”.

Ka shumë veteranë në skuadrën e Real Madridit dhe Zidane u dha atyre shumë vlerësime.

“Unë shoh pasionin e tyre, dëshirën e tyre për të qenë më të mirët dhe për të kërkuar më shumë” tha ai.

“Më pëlqen çdo seancë stërvitëse me ta dhe ambienti i mirë i punës që kemi”.

Eden Hazard pësoi një tjetër dëmtim javën e kaluar, por Zidane këmbëngul se ai nuk do t’i nënshtrohet operacionit akoma.

“Ne duam që ai të shërohet mirë, kjo është gjëja më e rëndësishme. Ai nuk do t’i nënshtrohet një operacioni, plani është i ndryshëm”.

“Ne jemi duke punuar në të. Ne duam që ai të kthehet i shëruar plotësisht”, ka shtuar Zidane. /Telegrafi/