Zgjidhet misteri dhe zbulohet ideatori i llogarisë së vezës në Instagram, që u bë sensacion (Foto/Video)

Llogaria misterioze e Instagramit me fotografinë e një veze, që arriti të thyej rekordin e bukuroshes Kylie Jenner që kishte më së shumti pëlqime – ka zbuluar identitetin duke treguar edhe qëllimin e kësaj kampanje që ishte nisur.

Më 4 janar në llogarinë @world_record_egg në Instagram ishte shfaqur një fotografi e një veze, duke bërë kështu që për pak ditë të thyej rekordin e Jenner, ku autori i kësaj veze kishte shkruar përbri fotografisë së postuar: “Ta thyejmë rekordin së bashku dhe të fitojmë më së shumti pëlqime në Instagram. Të thyejmë rekordin aktual që e mban Kylie Jenner me 18 milionë”, transmeton Telegrafi.

Lexo po ashtu Filloi si shaka, fotografia e një veze bëhet më e pëlqyera në Instagram, thyen rekordin e Kylie Jenner (Foto)

Siç edhe ishte pritur, ky postim fitoi edhe aktualisht numëron mbi 52 milionë pëlqime dhe mbi 10 mijë ndjekës ka llogaria. Megjithatë edhe pse fotografia e parë e vezës kishte ngjyrë tjetër, në postimin e dytë fotografia kishte një të qarë në dhe pa mbishkrim. Ndërkaq në dy postimet tjera më 22 dhe 29 janar, veza kishte më shumë të qara. Kurse më 1 shkurt llogaria ka bërë një njoftim: Zbuloi identitetin e ideatorit të kësaj veze.

We’d like to thank #TalkingEgg for shining a limelight on #mentalhealth tonight with an important message. Not everyone chooses to #fightintheopen for mental health, but you did for the 1 in 5 Americans living with a mental health condition. Thank you, #EggGang! 💚🥚 pic.twitter.com/9KPlXG5re4

— Mental Health America (@MentalHealthAm) February 4, 2019

Në fotografinë e vezës që ka të qara thuhej: “Pritjes i ka ardhur fundi”. Gjithçka ishte paralajmëruar se do të zbulohet pas ndeshjes më të madhe sportive në SHBA – Super Bowl. Ky postim vetëm sa i bëri më kurioz shumë njerëz që me çdo kusht dëshironin të dinin identitetin e vezës misterioze. Dhe gjithçka u konfirmuar sa i përket postimit misterioz, duke pranuar se veza ka lidhje me kampanjën sensibilizuese sa i përket shëndetit mendor.

https://www.instagram.com/p/BtW_NkigixI/

“Nëse hezitoni apo keni problem të flisni me dikë, atëherë në episodin e fundit të gjithë mund t’i drejtohen mentalhelarthamerica.net”, thuhej në një postim.

Me një fjalë kjo llogari i përket Shëndeti Mendor në SHBA, organizatë jofitimprurëse e themeluar në vitin 1909, që është e dedikuar “t’i adresojë nevojat e atyre që kanë probleme me sëmundje mendore në SHBA. Kjo organizatë aktualisht ka mbi 200 filiale në 41 shtete. /Telegrafi/