Qytetarët e Leposaviqit ka disa ditë që po protestojnë kundër hyrjes së zëvendësministrit të Kosovës për Komunitete dhe Kthim, Radoica Radomiroviq, dhe dhjetëra personave të tjerë në ndërtesën e kësaj komune.
Njëjtë ka ndodhur edhe gjatë ditës së djeshme, ku Radomiroviqi nuk u lejua të hynte në ndërtesë bashkë me një grup të rinjsh.
Mirëpo, zëvendësministri i Kosovës këtu shfrytëzoi rastin që të zhvillonte një bisedë me ish-kryetarin e komunës, Zoran Todiq, i cili është në mesin e atyre që po protestojnë kundër tij.
Në një video të siguruar nga Klankosova.tv, dëgjohet zëvendësministri teksa konfrontohet me fjalë me ish-kryetarin Todiq.
Radomiroviqi, i cili i thotë Todiqit se kanë qenë miq të ngushtë, e akuzon atë se është rreshtuar me krimin.
Ndër të tjera, i thotë se në një bisedë mes tyre dhe ish-deputetit të Listës Serbe, Slavko Simiq, ata janë pajtuar se prapa vrasjes së Oliver Ivanoviqit qëndron Milan Radojiçiqi.
Radomiroviqi e pranon se do të dëshmojë për vrasjen e politikanit Ivanoviq, ndërsa e akuzon Todiqin se ia ka larguar bashkëshorten nga puna pikërisht për këtë shkak.
E akuzon edhe për krijimin e organizatës “Mbrojtja Civile”, të cilën së fundmi qeveria e Kosovës e ka shpallur organizatë terroriste.
Më poshtë, pjesë nga biseda mes Radomiroviqit dhe Todiqit:
Radomiroviq: “Deri dje ke qenë këtu në komunë, por ke qenë për të plaçkitur. Por kurrë në jetë nuk do të ktheheni në komunë, më beso, populli serb kurrë nuk do të lejojë më të vjedhësh e plaçkitësh qytetarët. S’ka më plaçkitje e vjedhje. Kurrë më. Populli do të ngritët kundër jush, kundër teje Zoki”.
Radomiroviq: “E ke larguar gruan time nga puna sepse do të dëshmoj për vrasjen e Oliver Ivanoviqit. Jemi ulur në tavolinë dhe kemi ardhë në përfundim se prapa kësaj qëndron Milan Radojiçiqi. Unë, ti dhe Slavko Simiqi. Zoki, unë dhe ti kemi qenë miq të ngushtë, por ti shkove kah krimi Zoki. Kurrë më nuk do të ktheheni këtu”.
Radomiroviq: “Më trego, përse e vendose nënshkrimin për Mbrojtjen Civile dhe i ke zhvendosur fëmijët në Serbi, 100 fëmijë? I ke armatosur ti personalisht. Ke marr vendim për formimin e Mbrojtjes Civile, për armatosje. I maltreton qytetarët, i nxjerr këtu për të protestuar për fëmijët që vetëm një pagë e duan. Ti pranon 8 paga! Ku i ke fëmijët e tu? Përse nuk protestojnë fëmijët e tu? Fëmijët e tu janë në Beograd, pranojnë paga. Ta dish që i kam fotografuar të gjitha donacionet që i ke marr për vete dhe për miqtë. Do t’i publikojmë shumë shpejt të gjitha donacionet që i ka marrë Todiqi dhe ekipi i tij”.
Radomiroviq: “Mos i maltreto fëmijët, ata e bëjnë punën e tyre në interes të qytetarëve”. /klankosova/
Promo
Reklamo këtuLufta Prigozhin - Putin
Më shumëNga Rubrika
Pahor: Kandidatura ime do të paraqitet në Bruksel, do të jem ndërmjetës i ndershëm në dialogun Kosovë-Serbi
Deputeti finlandez: Serbia nuk mund t’u imponohet shteteve për të kundërshtuar Kosovën në KiE
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Pahor: Kandidatura ime do të paraqitet në Bruksel, do të jem ndërmjetës i ndershëm në dialogun Kosovë-Serbi
Deputeti finlandez: Serbia nuk mund t'u imponohet shteteve për të kundërshtuar Kosovën në KiE
Policja që u raportua e zhdukur paraqitet në stacionin e Rahovecit
DW: Sinjale alarmi nga Ballkani - po përsëritet historia?
Deputeti gjerman, Abraham: Pranimi i Kosovës në Këshillin e Evropës është e vetmja rrugë përpara
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'