Zelensky: Nuk do të ketë më negociata nëse Rusia organizon “pseudo referendume” në rajonet e pushtuara

Presidenti ukrainas, Volodymyr Zelensky tha të shtunën se nëse ukrainasit në qytetin e rrethuar të Mariupolit vriten nga forcat ruse dhe nëse Rusia organizon “pseudo referendume ” në territoret e pushtuara, Ukraina do të ndalojë negociatat me palën ruse.

Ai gjithashtu përsëriti gatishmërinë për t’u takuar me presidentin rus, Vladimir Putin, duke thënë se “Unë nuk kam të drejtë të kem frikë”, pasi populli ukrainas ka treguar se nuk ka frikë nga ushtria ruse.

“Sa i përket temës së takimit me presidentin e Rusisë, po, do të doja të fillojë përfundimi i luftës. Ka një rrugë diplomatike, por ka edhe rrugë ushtarake. Pra, çdo person i shëndetshëm dhe i arsyeshëm zgjedh gjithmonë rrugën diplomatike, sepse ai ose ajo e di se kështu mund të ndalojë humbjen e dhjetëra mijërave jetëve. Dhe me fqinjë të tillë, qindra mijëra e ndoshta miliona”, tha ai gjatë një konferencë për shtyp, në një stacion nëntokësor të metros.

You can watch it yourself https://t.co/SimVpoTLia

— @Newsmined (@newsmined) April 23, 2022

Zelensky duke deklaruar se “nuk ka frikë” të takohet me Putinin, pohoi se është e vështirë t’i besohet shtetit rus.

“Nuk kam besim te Rusia. Këto nuk janë sinonime, ato janë antonime: Rusia dhe Besimi. Kur ata thonë diçka, fjalët e tyre nuk përkojnë me veprimet e tyre”, ka thënë Zelensky.

Lexo po ashtu Zelensky: Luftën mund ta ndalin vetëm ata që e filluan

Theksojmë se 44-vjeçari pritet ta takojë gjatë ditës së nesërme (e diel) Sekretarin e Shtetit amerikan, Antony Blinken.

Ndryshe, autoritetet ukrainase kanë bërë të ditur sot se kanë vrarë dy gjeneralë të tjerë rusë në Kherson. /Telegrafi/