Zelensky: Nëse mund ta ndalë luftën, Trump le të ma tregon sot planin

Presidenti i Ukrainës, Volodymyr Zelensky thotë se do të dëshironte që kandidati për president të SHBA-së, Donald Trump t’i shpjegonte saktësisht se si do ta ndalonte luftën në Ukrainë brenda vetëm 24 orëve.

“Nëse Trump di si ta ndalë luftën, le të na tregojë sot”, tha sot udhëheqësi ukrainas në një intervistë për televizionin Bloomberg.

“Nëse pavarësia e Ukrainës kërcënohet, nëse humbim vendin tonë, ne duam të jemi gati për këtë, duam ta dimë”, tha ai.

Lexo po ashtu Donald Trump thotë se mund t'i japë fund luftës në Ukrainë "brenda një dite"

Ish-presidenti amerikan dhe kandidati republikan në zgjedhjet e nëntorit ka thënë disa herë se mund ta ndalë luftën “brenda 24 orëve”, por nuk ka shpjeguar se si.

Zelensky tha se është i gatshëm të takohet me 78-vjeçarin dhe t’i dëgjojë propozimet e ish-presidentit amerikan.

“Duam të dimë nëse pas nëntorit do të kemi mbështetje të fortë nga SHBA-të apo do të jemi vetëm”, tha lideri ukrainas.

Ndryshe, Rusia ka nisur pushtimin e shtetit ukrainas më 24 shkurt të vitit 2022 duke shkaktuar mijëra viktima dhe dëme të shumta materiale. /Telegrafi/