Zbulohet data e publikimit të sezonit të tretë të “Squid Game”: Do të vijë më shpejt nga sa prisnin fansat

Fansat kanë pritur më shumë se tre vjet për sezonin e dytë të “Squid Game”, por kjo nuk do të ndodhë për sezonin e tretë, i cili vjen në verën e 2025. Edhe pse nuk është konfirmuar zyrtarisht, data e përmendur është 27 qershor 2025.

Më 1 janar, Netflix njoftoi se pjesa e tretë e serialit thriller korean do të publikohet në vitin 2025.

“Me siguri pres që të nisë në verën ose vjeshtën e vitit të ardhshëm”, tha krijuesi Hwang Dong-hyuk për Variety në dhjetor 2024.

View this post on Instagram

A post shared by Wealth (@wealth)

Data e saktë e lëshimit u zbulua gjithashtu në rrjete, dhe thuhet si 27 qershor 2025. Netflix Korea postoi një klip që kishte një datë specifike të publikimit për serialin, i cili u fshi shpejt.

Sipas Hwang, historia fillimisht ishte menduar si një hark i vazhdueshëm, por u nda në dy sezone për shkak të kompleksitetit të saj. Sezoni i tretë është në thelb gjysma e dytë e kësaj mega-historie, duke u fokusuar në rebelimin e dështuar të Gi-hun dhe pasojat e tij shkatërruese.

Sezoni i dytë theu rekordin e Netflix sepse deri më tani nuk ka ndodhur kurrë që një seri të fitojë top listat në të gjitha vendet ku Netflix është i disponueshëm – duke filluar nga ShBA, përmes Qipros në Honduras, Kenia, Oman dhe madje edhe Tajlandë.

Gjithashtu, sezoni i dytë aktualisht ka më shumë se 1000 komente të shikuesve në Rotten Tomatoes, duke i dhënë një vlerësim mesatar prej 64 për qind, ndërsa kritikët e vlerësuan atë me 85 për qind. Është interesante se sezoni i parë u vlerësua nga kritika me 95 për qind, ndërsa shikuesit e vlerësuan atë me 83 për qind. /Telegrafi/