Zbulohet aksidentalisht bomba e parë atomike e Koresë së Veriut? Fotografia për të cilën po diskutojnë ekspertët botërorë! (Foto/Video)

Koreja e Veriut duket se ka transmetuar pa dashje një imazh të ish-udhëheqësit Kim Jong-il duke inspektuar një nga bombat e para atomike në vend.

Sipas mediave të huaja, përcjell Telegrafi, bëhet fjalë për një buletin 30 minutash të paraqitur në televizionin shtetëror nga 12 dhjetori, në një konferencë në Pyongyang, ku shfaqet një portret në sfond, i cili dukej se ishte i Jong-il dhe pajisjes shpërthyese.

Fotografia është e dukshme vetëm pak kohë kur kamera vendos skenën e konferencës, ku morën pjesë udhëheqësi suprem i Koresë së Veriut, Kim Jong-un, i biri i ish-udhëheqësit të ndjerë të fotografuar.

Lexo po ashtu Ushtari i Koresë së Veriut qëllohet me pesë plumba, pamje që tregojnë arratisjen e tij drejt Jugut (Video)

Nëse është e vërtetë, mediat supozojnë se kjo fotografi do të ishte bërë diku midis viteve 2006-2009, kur regjimi do të mund të kryente teste bërthamore.

E varur në mesin e fotografive të tjera të armatimit, ekspertët kanë debatuar nëse fotografia i ngjan një bombe atomike apo jo.

Gjithsesi, për shkak të pamjes së largët nga distanca, ekspertët kanë ende për të thënë përfundimisht nëse pajisja është një bombë atomike, por ata pranojnë ngjashmëritë midis fotografive të fundit të Kim Jong-un duke kontrolluar atë që Koreja e Veriut pretendon të jetë bomba e parë e hidrogjenit.

Fotografia duket të tregojë Kim Jong-il, i cili vdiq gjashtë vjet më parë, duke inspektuar një objekt të madh si globi, ndërsa ishte në shoqëri të zyrtarëve të lartë ushtarakë.

Lexo po ashtu Kapet duke bërë një sy gjumë në një “shfaqje patriotike”, studenti rrezikon ekzekutimin nga Kim Jong-un (Foto)

Asnjë imazh publik nuk është në dispozicion të Kimit të ndjerë, i cili ishte i njohur në Korenë e Veriut si “Yll i Shndritshëm”, duke shikuar një armë bërthamore, por mund të ishte falsifikuar me softuer kompjuterik. /Telegrafi/