Zbulohen fjalët që Messi ia tha Mbappes pas largimit nga PSG, e këshilloi se ku të transferohet

Lionel Messi thuhet se i ka thënë Kylian Mbappes se ai meriton ‘një projekt të vërtetë fitues’ dhe jo Paris Saint-Germain, përpara se të bashkohej me Inter Miamin, pasi spekulimet intensive rrethojnë të ardhmen e superyllit francez.

Zbulimi shpërthyes vjen nga gazeta spanjolle Defensa Central, e cila pretendon se argjentinasi i ka besuar Mbappes dëshirën e tij që ai të bashkohet me Barcelonën në vend të Real Madridit.

Por, në fund iu lut 24-vjeçarit të luante për një klub që, me sa duket, do të konkurrojë për Ligën e Kampionëve.

“Unë preferoj të shkosh te Barça. Por, nëse doni të shkoni në Madrid, bëjeni, ju meritoni një projekt të vërtetë fitues”, i ka thënë Messi, Mbappes.

Me pesë tituj të Ligue 1 dhe tre Kupa të Francës, fitorja nuk ka qenë problemi për Mbappe në Paris. Por, është rënia e parashikueshme në Ligën e Kampionëve që ka frustruar një brez të lojtarëve të PSG-së të kryesuar nga francezi.

Pesë herë golashënuesi më i mirë i Ligue 1 tronditi skuadrën parisiane deri në palcë kur njoftoi synimin e tij për t’u larguar në një transferim të lirë kur kontrata e tij të skadojë verën e ardhshme.

Lajmi ringjalli spekulimet për një kalim të shumëpritur në Real Madrid, 12 muaj pasi transferimi i tij i propozuar u shkatërrua në minutat e fundit nga një kundërvënie marramendëse nga kampionët francezë.

Lexo po ashtu “Nuk mori respektin që meritonte te PSG”, Mbappe flet për largimin e Messit

Vendimi i Mbappes ka të ngjarë të zemërojë disa brenda klubit të cilët besonin se kishin bërë mjaftueshëm për ta bindur atë të vazhdonte në Parc de Princes. Dhe zbulimi i komenteve të Messit do të bëjë pak për të zbutur zemërimin.

Ylli argjentinas ra dakord për një marrëveshje historike për t’u bashkuar me skuadrën e MLS, Inter Miami, duke i dhënë fund një qëndrimi të çuditshëm dy-vjeçar në kryeqytetin francez.

Messi shtoi disa tituj francezë në kabinetin e tij të konsiderueshëm të trofeve, por do t’i kujtojë më së miri vitet e kaluara në Paris për fitoren e tij ikonike në Kupën e Botës në Katar dhjetorin e kaluar. /Telegrafi/