Zbriten çmimet e ushqimeve për Ramazan

Ramazani është muaj i sakrificës dhe i përkushtimit në forcimin e besimit. Por, rolin e qytetarit të kujdesshëm korporativ e ka marrë i pari zinxhiri i njohur në treg i marketeve – Meridian Express.

Gjatë këtij muaji, çdo qytetar i besimit islam që agjëron, ia privon vetes ushqimin dhe pijet nga fillimi i lindjes së diellit deri në perëndim. Por, agjërimi nuk është vetëm heqja dorë nga ushqimet dhe pijet. Ky muaj i shenjtë duhet të përcillet nga toleranca dhe solidariteti.

Për të qenë sa më solidarë, disa markete për këtë muaj do të fillojnë se ofruari produkte me çmime më të ulëta për sofrën e konsumatorëve.

Ndër ta është rrejti i marketeve Meridian Express që tashmë për konsumatorët e saj ka bërë oferta me çmime më të lira për produktet ushqyes dhe ushqimet e gatshme. Ky rrjet i dyqaneve që gjendet në çdo lagje, ka bërë edhe oferta të tilla si blej dy pica marr falas Coca-Cola 1.25 litër, dy pula të pjekura për vetëm 6.99 euro, për ata që blejnë dy bukë të tretën falas, perimet me çmime shumë më të lira e shumë produkte të tjera ushqimore.

“Urojmë që muaji i Ramazanit të gjejë familjet tona në harmoni, mirëqenie, lumturi dhe dashuri. Për këtë edhe ne kemi vendosur të ofrojmë produkte me çmime shumë më atraktive dhe të volitshme për konsumatorët tanë, e në veçanti agjëruesit për të cilët do të kujdesemi që kohën e iftarit të ofrojmë ushqime të freskëta dhe të larmishme me çmime dhe oferta shumë të favorshme”, thotë Yllka Mustafa, menaxhere e marketingut në Meridian Express.

Sipas saj, qëllimi i Meridian Express është që secilit muaj të vitit konsumatorët të blejnë ushqimet më cilësore për çmimet më të përballueshme në treg. Mirëpo, posaçërisht gjatë muajit të Ramazanit, kujdes të veçantë i kushtohet shportës me ushqimet kryesore (pemët, perimet, mishi dhe pijet) dhe produkteve përcjellëse, në mënyrë që blerësit ta shijojnë tërë muajin e Ramazanit me ushqimet që janë të domosdoshme për tryeza – në kohën e iftarit dhe syfyrit.