Zayn Malik përpiqet të rifitojë Gigin mes thashethemeve për një lidhje të re me Leonardo DiCaprion

Zayn Malik thuhet se dëshiron të pajtohet me Gigi Hadidin mes thashethemeve se ajo ka nisur të takohet me yllin e Hollywoodit, Leonardo DiCaprio.

Ish-anëtari i grupit “One Direction” ka një marrëdhënie të shëndetshme prindërore me supermodelen, por ai shpreson të ribashkohet me të, raportoi Hollywood Life.

“Zayn ka ende shpresa për t’u ribashkuar me Gigin”, tha burimi i brendshëm për HL.

“Ata kanë marrëdhënie të mira tani për hir të vajzës së tyre, por ai e ka bërë të qartë se do të donte një mundësi tjetër me të”.

Kjo vjen në mes të thashethemeve se Hadid ka nisur një lidhje dashurie me yllin e “Titanic”, i cili ka qenë një nga artistët më të përfolur pas ndarjes nga partnerja Camila Morrone.

Lexo po ashtu Leonardo DiCaprio dhe Gigi Hadid fotografohen për herë të parë në shoqëri të njëri-tjetrit mes raportimeve se kanë nisur një romancë

Malik dhe Hadid, të cilët janë prindër të vajzës Khai, dikur ishin një nga çiftet më të dashur të Hollywoodit, të cilët ishin bashkë nga viti 2015 deri në 2021.

Romanca e tyre përfundoi pasi këngëtari u përfshi në një sherr fizik me mamanë e modeles, Yolanda Hadid.

Gigi dhe Leonardo u fotografuan në shoqërinë e njëri-tjetrit të hënën (12 shtator) në një festë në New York. /Telegrafi/