Zaev-Rama: Përparojmë marrëdhëniet edhe përmes kujdesit për pakicat

Kryeministri i Maqedonisë, Zoran Zaev me homologun e tij shqiptar, Edi Rama sot ishin për vizitë në komunën e Pustecit në Shqipëri, ku u takuan me banorët e kësaj komune, u njohën me kërkesat e tyre dhe realizuan më shumë aktivitete të përbashkëta.

Siç informuan nga shërbimi për media i Qeverisë, dy kryeministrat së pari kanë biseduar me udhëheqësit, mësimdhënësit dhe nxënësit në njërën nga shkollat në këtë komunë, SH.M.”Trajan Gjorgjioski dhe Mitre Kolveski”.

Në takimin me kryeministrat e dy vendeve, nxënësit i përshëndetën me recitime në gjuhën maqedone dhe shqipe, ku më pas kryeministri Zaev dhuroi libra dhe materiale pune për nxënësit, gjë që e bënë me kryeministrin shqiptar, Edi Rama.

Më pas kryeministrat realizuan takim të përbashkët edhe me përfaqësuesit e komunës, zëvendës kryetarin dhe këshilltarët, të cilët i shpalosën prioritetet tek të cilët presin përkrahje.

Zaev shprehu falënderimet e tij deri te kryeministri Rama për kujdesin që po tregon për qytetarët me prejardhje kombëtare maqedonase në Shqipëri.

“Kjo është mënyra se si duhet t’i hapim dhe t’i zgjidhim çështjet. Prania e dy krerëve të ekzekutivit të Maqedonisë dhe Shqipërisë, këtu në Pustec është me domethënie të madhe simbolike për përparimin e marrëdhënieve ndërmjet dy vendeve, sepse vetë pakicat janë ura lidhëse e këtij bashkëpunimi dhe kujdesi për ta është me rëndësi të madhe”, tha Zaev./Telegrafi/