Ylli i Man Utd arrin marrëveshje për t’u larguar nga klubi – i pari në epokën e Amorim

Një lojtar i Manchester United raportohet se ka arritur marrëveshje për t’u larguar nga klubi. 

Unitedi momentalisht qëndron në pozitën e 12-të në Ligën Premier, pasi ka mposhtur Southamptonin me rezultat 3-1 në ‘Old Trafford’, falë një het-triku nga Amad Diallo. 

Por ai me gjasë do të mbetet pa shërbimet e një mbrojtësi për pjesën e mbetur të sezonit 2024/2025. 

Sipas një raportimi nga Votebal International, Tyrell Malacia ‘ka arritur marrëveshje’ për t’u larguar nga klubi në formë huazimi deri në fund të sezonit, pasi ka bërë vetëm dy paraqitje në Ligën Premier këtë sezon. 

Raportimi sugjeron se destinacioni i ardhshëm i Malacias nuk dihet ende, por gazetari Joos Blaauëhof ka pretenduar se burime pranë lojtarit i kanë konfirmuar se ai do të largohet nga Unitedi gjatë janarit. 

25-vjeçari u bë pjesë e ‘Djajve të Kuq’ nga Feyenoordi për 13 milionë euro në verën e 2022.  

Në sezonin e tij të parë, ai u paraqit në 39 ndeshje dhe ishte një prej lojtarëve kryesor të Erik Ten Hag gjatë sezonit 2022/2023. 

Sidoqoftë, ai ka dështuar që t’i shpëtojë lëndimeve dhe ka humbur 17 muaj pas një lëndimi serioz të gjurit. 

Ai më pas u kthye me ekipin e parë në fitoren që Unitedi e mori me rezultat 3-2 ndaj Bodo/Glimt në Ligën e Evropës, me Amorim që ishte ndarë i kënaqur me paraqitjen e holandezit./Telegrafi/