Kelly Rutherford, e njohur për rolin e saj në serialin “Gossip Girl”, u pa së fundmi në New York City krah djalit të saj, Hermes Gustaf Daniel Giersch, gjatë festimeve të 30-vjetorit të Biosil në Fouquet's.
Hermes, 18 vjeç, tani është më i gjatë se nëna e tij, duke e kaluar atë në lartësi.
Kelly dhe Hermes dolën në publik pas një periudhe të gjatë sfidash ligjore që nisën para 16 vjetësh, lidhur me kujdestarinë e fëmijëve të saj, shkruan DailyMail.
Ajo ka kaluar një luftë të gjatë dhe shumë të shtrenjtë për kujdestarinë e Hermes dhe motrës së tij, Helenës, me ish-bashkëshortin e saj, biznesmenin gjerman Daniel Giersch.
Beteja ligjore, që kushtoi mbi 2 milionë dollarë (përafërsisht 1.85 milionë euro), përfshinte çështje të komplikuara ndërkombëtare dhe zhvendosjen e familjes midis Shteteve të Bashkuara dhe Monakos.
Rutherford jeton aktualisht në Monako për të qenë afër fëmijëve të saj, duke përjetuar një stil jete më të qetë dhe privat.
Në një intervistë të fundit, ajo përshkroi Monakon si një vend paqësor dhe të përmbajtur, ku mund të gjejë qetësi dhe të kalojë kohë me fëmijët e saj larg vëmendjes së medias. /Telegrafi/
