Sophie Turner ka mirëpritur fëmijën e saj të parë me bashkëshortin Joe Jonas.
Ylli i “Game of Thrones”, 24-vjeçare ka lindur të mërkurën e javës së kaluar në një spital në Los Angeles, sipas TMZ.
Besohet se çifti - të cilët nuk kanë bërë ende një koment publik mbi lajmet - janë prindërit krenarë të një vajze që e kanë emëruar Willa.
Sophie Turner dhe Joe Jonas (Foto: Getty Images/Guliver)
Lajmi i gëzueshëm vjen menjëherë pasi një burim i tha Entertainment Tonight se Sophie ‘mezi po pret’ të bëhet nënë’.
“Joe dhe Sophie janë të ngazëllyer që po bëhen prindër dhe kanë qenë duke shijuar procesin e përgatitjes për fëmijën e tyre”, theksoi burimi.
“Sophie dhe Joe janë përpjekur të qëndrojnë gjithashtu aktiv duke ecur dhe shëtitur”, vazhdoi më tej burimi.
Joe Jonas dhe Sophie Turner (Foto: MEGA)
Të njëjtit filluan së pari të takohen në vitin 2016, në 2017 e zyrtarizuan lidhjen në Instagram, kur aktorja ndau një imazh të këngëtarit duke pirë cigare në një varkë në Miami.
Ata u fejuan në tetor të vitit 2017 dhe u martuan më 1 maj të vitit 2019 në një ceremoni private në Las Vegas. /Telegrafi/
Sophie Turner (Foto: Getty Images/Guliver)
