Çfarë do të ndodhte në Kavajë? A kishte një skenar me pasoja për stabilitetin dhe përse qeveria u tërhoq nga zgjedhjet në vend që t’i garantonte ato?
Këtyre pyetjeve u dha përgjigje vetë ministri i Brendshëm, Fatmir Xhafaj këtë të hënë në Top Story me Sokol Ballën.
Xhafaj pohoi se ka patur informacione për skenarë trazirash në Kavajë, por tha se vendimarrja për të mos zhvilluar zgjedhjet atje nuk ishte më shumë një vendim politik sesa për çështje sigurie.
“Vendimin lidhur me zgjedhjet në Kavajë nuk ka qenë i lidhur me një vendimarrje të Policisë së Shtetit. Policia e Shtetit ka qenë në krye të detyrës dhe në asnjë rast nuk ka deklaruar, apo nuk ka shprehur pamundësinë e saj për të siguruar zhvillimin normal të zgjedhjeve në Kavajë. Policia kishte marrë të gjitha masat për të kryer detyrat që i cakton Kodi Zgjedhor për rol mbështetës në proces dhe të ligjeve të tjera të vendit”, tha ai.
Xhafaj tha se situatës nuk i shërbente as thirrjet për konflikt të hapur në Kavajë nga drejtues të Partisë Demokratike.
“Sa i takon aspektit të funksioneve dhe të garancive që ofronte Policia e Shtetit, kam qenë i bindur që policia kishte të gjitha kapacitetet për të garantuar zgjedhjet në Kavajë dhe në gjithë territorin, ashtu si në 18 qershor”, u shpreh ai.
Ministri i Brendshëm tha se vendimi i marrë nga Kryeministri ishte një vendim politik në funksion të negociatave me Partinë Demokratike për zgjidhjen e krizës.
“Është një vendim politik i marrë nga Kryeministri në funksion të zgjidhjes së krizës politike në vend. Kryeministri me shpresën e gjetjes së një zgjidhjeje me PD. Kryeministri vendosi që zgjedhjet në Kavajë të mos zhvilloheshin duke tërhequr kandidatin e PS. E gjithë kjo ishte në funksion për t’u dhënë një mundësi negociatave, që për fat të keq nuk u shfrytëzuan, por u keqpërdorën nga drejtuesit e PD”, u shpreh ai.
Xhafaj tha se ka patur një ligjërim politik metone të ashpra dhe me thirrje për dhunë nga drejtuesit e PD dhe se ka patur organizime konkrete për realizimin e këtyre thirrjeve.
“Kemi patur të dhëna për disa organizime, grupe jashtë strukturave të PD, por nën ndikimin dhe organizimin e PD, që do të tentonin që të krijonin përplasje. Kemi patur sinjalizime për individë të caktuar dhe grupe të caktuara për të nxitur tensione në Kavajë, ku do të tentonin të intimidonin dhe të përplaseshin me njerëzit që do të votonin dhe për t’i përdorur më pas këto incidente si alibi për dështimin e negociatave”, u shpreh ministri i Brendshëm.
Ai hodhi poshtë akuzat e kreut të Partisë Demokratike që tha se në Kavajë do të përplaseshin bandat rivale të Elvis Roshit për larje hesapesh mes tyre.
“Nuk kemi patur, as ne asnjë institucion tjetër të dhëna të tilla”, u shpreh ai.
Kreu i MB nuk mohoi letrën e policisë, të cilën Top Channel e disponon, ku flitet për mundësinë që në ditën e zgjedhjeve në Kavajë, nëse ato do të mbaheshin, ka skenarë për goditjen e dyqaneve me molotov.
Ministri i Brendshëm pranoi se ka përpjekje nga ‘forca të jashtme’ që kërkojnë të përfitojnë nga situata dhe të destabilizojnë vendin.
Ai tha se ka komunikim të vazhdueshëm me SHISH për këtë çështje, por nuk përmendi emra shtetesh, por u foli për “interesa që nuk duan rrugën euro-atlantike’ të Ballkanit Perëndimor.
Xhafaj tha se po nga SHISH është marrë informacioni në lidhje me mundësinë për sulme terroriste gjatë Pashkëve dhe për këtë u pa në rrugët e vendit një prani e përforcuar policore.
“Është një situatë shumë i vështirë në rajon. Ka patur deklarata kërcënuese edhe nga eksponentë të ISIS për rajonin dhe nuk duhen neglizhuar. Gjithë ai përforcim për Pashkët, para dhe pas tyre lidhet me këto informacione. Duhen parë të gjitha, kërcënimet dhe përpjekjet për destabilitet në rajon”, u shpreh ai.
Ministri i Brendshëm e quajti “sinjalizim konkret” informacionet e marra mbi mundësinë e një kërcënimi ndaj kreut të PD-së, Lulzim Basha.
“Ne morëm masat menjëherë dhe përforcuam sigurinë e tij”, u shpreh Xhafaj. /tch/
Promo
Reklamo këtuLufta Prigozhin - Putin
Më shumëNga Rubrika
Diskriminim i personave me aftësi të kufizuara në Kosovë, që nga tekstet shkollore
Osmani: Mickoski mund ta ftojë VLEN-in për kafe, por në Qeveri mund ta marrë vetëm si pjesë e koalicionit “Maqedonia përsëri e jotja”
Voziti me fëmijë në prehër – policia e dënon me 400 euro gjobë, 5 pikë negative dhe i merret patent shoferi për 6 muaj
Anëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Tentuan t’ia vënë zjarrin shkollës “Meto Bajraktari” në Prishtinë, reagon Drejtoria e Arsimit: Të zbulohen motivet e sulmit kriminal mbi objektet shkollore
Në Gjakovë zbulohet monumenti i Skënderbeut
Gruaja që vdiq në Spitalin e Prizrenit ishte 24-vjeçare, shtatzënë
Lajçak tregon se çfarë përshtypje i kanë lënë Kurti dhe Vuçiq gjatë bisedimeve Kosovë-Serbi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City