“Xavi e pëlqen shumë” – lojtari 29-vjeçar i Al Sadd pritet të jetë transferimi i parë i spanjollit te Barcelona

Sulmuesi i Al Saddit, Baghdad Bounedjah, është shfaqur si një shënjestër tronditëse transferimi për Barcelonën pas emërimit të Xavit si trajner.

Javën e kaluar u konfirmua se mesfushori legjendar më në fund do të rikthehej në Camp Nou si trajner i ri.

41-vjeçari është i interesuar të përforcojë skuadrën e tij në janar dhe Barcelona ka nevojë të madhe për rifreskim në fazën ofanzive.

Lexo po ashtu Si mund të duket Barcelona e Xavit me dy transferime në janar

Sergio Aguero është aktualisht jashtë fushës deri në vitin 2022 me një çrregullim të ritmit të zemrës, ndërsa Ousmane Dembele dhe Martin Braithëaite janë të lënduar, si ashtu edhe Ansu Fati.

Goal ka raportuar se Bounedjah është i lidhur me një lëvizje shokuese pasi ishte një lojtar kyç nën drejtimin e Xavi në Katar.

Lexo po ashtu Formacioni bazë dhe bankina - a mundet Barcelona e Xavit t'i fitojë të gjithë trofetë?

Algjeriani ka shënuar 11 gola në nëntë ndeshje këtë sezon dhe ka ndihmuar Al Saddin të fitojë titullin e Stars League sezonin e kaluar.

Trajneri i Algjerisë, Djamel Belmadi, beson se Bounedjah i ka të gjitha cilësitë për të pasur sukses në Kataluni.

Barcelona aktualisht ndodhet në vendin e nëntë në La Liga dhe humbi epërsinë prej 3-0 kundër Celta Vigos për të barazuar 3-3 të shtunën. /Telegrafi/

https://www.youtube.com/watch?v=Vd8B5BjLkhw