Real Madridi vazhdon të shohë ndryshime me mbërritjen e trajnerit Xabi Alonso. Këtë herë, ka mënyra të reja për të analizuar seancat stërvitore.
Sipas gazetës Marca, trajneri i lindur në Tolosa e përdori seancën e së enjtes në West Palm Beach për të regjistruar lojtarët e tij me një dron.
Kjo teknologji e re, e pa përdorur kurrë më parë nga klubi i Real Madridit në stërvitje, do t'i lejojë Alonsos dhe të gjithë stafit të tij të mbledhin informacione dhe të dhëna shtesë mbi skuadrën e tyre.
Kjo shënon herën e parë që Alonso përdor teknologjinë e dronëve në karrierën e tij si trajner, duke synuar të analizojë lëvizjen, pozicionimin dhe modelet taktike të lojtarëve në detaje më të hollësishme.
Ndërsa Alonso më parë përdorte kamera sipër kokës te Bayer Leverkusen, ai kurrë nuk përdori dronë te klubi gjerman.
Ndryshe, nën drejtimin e ish-trajnerit Carlo Ancelotti, Real Madridi iu përmbajtë teknikave më tradicionale të stërvitjes, pa përfshirë mbikëqyrje ajrore. /Telegrafi/
