Will Smith thotë se “Wild Wild West” është filmi më i keq në të cilin ka luajtur

Na ndiqni në dy llogaritë tona në Twitter, Telegrafi.com dhe Telegrafi Sport.

Ylli i Hollywood-it, Will Smith, i është përgjigjur pyetjeve në lidhje me filmat më të mirë e po ashtu edhe për ata që nuk i kanë pëlqyer.

Në seritë e GQ se cili është filmi i tij më i mirë dhe më i keqi, aktori amerikan nuk duket të ketë ngurruar me përgjigjen.

“Për më të mirët, mendoj se është mes Men in Black dhe The Pursuit of Happyness”, tha Smith. “Për arsye të ndryshme, ata janë dy filmat pothuajse të përsosur. Të dy filmat ishin shumë të suksesshëm”.

Sa i përket filmit të tij më të keq duket të jetë “Wild Wild West”.

“Nuk e di, Wild Wild West e kam njëfarë njolle. Kur e shoh veten në pantallona lëkure… nuk më pëlqen”, ka thënë Will.

Lexo po ashtu Të gjitha lajmet nga Will Smith

Në filmin e zhanrit komedi-aksion të drejtuar nga regjisori i “Men in Black”, Barry Sonnenfeld , Smith dhe Kevin Kline luajtën si dy agjentë të Shërbimit Sekret të SHBA-së duke punuar së bashku për të mbrojtur Presidentin Ulysses S. Grant.

Duke u kthyer në “The Pursuit of Happyness”, artisti iu drejtua një komenti duke pyetur se si ai mund të ishte zgjedhur për aktorin më të mirë në ‘Oscar’ atë vit.

Atë vit, Forest Whitaker fitoi për “The Last King of Scotland”. Gjithashtu u nominuan Leonardo DiCaprio për “Blood Diamond”, Ryan Gosling për “Half Nelson” dhe Peter O’Toole për “Venus”. /Telegrafi/