Vuçiq për Kosovën: “Është një tel i hollë nëpër të cilin po ecim”

Presidenti i Serbisë, Aleksandar Vuçiq, ka thënë sot se “është një tel i hollë nëpër të cilin po ecim” dhe se nuk është e mundur për të lëvizur majtas ose djathtas, sepse siç ka thënë ai, në një rast të tillë do të thoshte rrëzim.

Ai kështu iu përgjigj pyetjes se cilat janë lëvizjet e ardhshme të Serbisë kur është fjala për Kosovën dhe negociatat me Prishtinën, shkruajnë mediat serbe, përcjell Telegrafi.

“Ju duhet të mbani një politikë të qëndrueshme… Ta ruajmë paqen dhe stabilitetin, çdo gjë tjetër do të na çonte në katastrofë – në konflikte. Dhe të gjitha Serbisë i nevojiten, përveç konfliktit”, citohet të ketë thënë presidenti serb.

Ai gjithashtu ka shtuar se nuk është i kënaqur që nuk do të ketë një takim në Paris.

“Dhe më vjen keq për të dëgjuar vlerësimet e disa qarqeve se shqiptarët kishin të drejtë të imponojnë taksën për shkak se Serbia është e angazhuar për të tërhequr njohjen e Kosovës. Kjo është e drejta jonë, ne nuk e njohëm Kosovën”, ka thënë ndër tjerash Vuçiq. /Telegrafi/